Beiträge zur Genealogie der adligen Geschlechter 4 (Strange)/059

Beilagen.

---

1. Andreas von Harff vergleicht sich mit dem Capitel zu Aachen und überträgt demselben seine Güter zu Puffendorf und Ederen im J. 1482.

      Ich Dries van Harue genant van Puffendorp vur mich myne erue ind nacomelingen doyn kunt allen ind yegelichen den ghienen dye diesen Intgegenwerdichen brieff sullen sien off hören lesen Ind bekennen ouermidtz diesen brieff dat die veste vroeme ind strenghe Rede dess durchluchtigen Hoichgeboren forsten ind Heren myns gnedigen lieuen Heren Hertzogen Ind dye Scheffen des Heufftgerichtz zo Guylghe &c. vmb dye scheylonge ind gebreiche tusschen den wirdigen heren Dechen ind Capittell vnser lieuer frauwen kyrchen zo Aiche ind myr Dries vurg. gelegen in der guitlicheit vyssgesprochen haint dat yeder van vnss parthyen zwene vnparthylige scheydber vrunde ind dedüngsluyde kiesen ind ordineren sullen vns vmb dye vurs. vnse gebreichen in der guitlicheit zu scheiden wie dat dan dye tzedulen der sy vns mallich eyn ouergegeuen haint kleirlichen inhalden ind vysswisen wilche cedulen van worde zo worde hernae beschreuen volgent ind luydent alsus Item vmb die gebreichen tusschen den heren des Capittels vnser lieuer frauwen kyrcken zu Aiche ind Dries van Harue gelegen is huyde datum deser vyssgesneden Cedulen alhie zu Guylge ouermidtz Rede vns gnedigen lieuen Heren ind die Scheffen des Heufftgerichtz van Guylge in der guitlicheit gededüngt dat beide vurg. parthyen als dye heren ind Dries vurs. mallich tzwene vnparthylige scheidsvrunde kysen sullen ind da myt komen zu Guylge vp den nyesten dynxstach na Drutziendaich nyest na datum deser tzedulen zo komen zo zytliger dagetzyt Ind die vier gekoren vrunde sullen dye vurg. beyde parthyen vnderstain in der guitlicheit zo scheiden vmb yre samen gebreich sulchs kouffs as dye vurg. heren des vurs. Capittels vurtzyt myt des vurg.