Beiträge zur Genealogie der adligen Geschlechter 4 (Strange)/070

ind Sieuentzich Rynscher gulden doch Seess marcke eychs paymentz vur yederen der seluer gulden vns ind vnsen Naekoemlingen ewelich ind vmbermere vyss den seluen guederen alle Jaire wail zo betzailen ind zo lieueren nae luyde Siegele ind brieue die egenante Heynrich ind Maria Eluyde vns dair oeuer vyss krafft diss kouffs gegeuen hauen Ind dairtzu vur Tzweyduysent Rynscher gulden as vurs. synt vns van den egenanten Heynrich ind Maria Eeluyde waill betzailt getzalt gelieuert ind gehantreicht Die wir ouch In vnser kircken Witzlichen nutz ind vrber gekiert ind gewant hauen Ind haint dair vmb vnse kirche ind vns voirt vnse Naekoemlinghen der vurs. guedere as nemelich der Huysinge vurs. mit dryssich morgen landtz In deme vurs. Dynckmaill zu Puffendorp gelegen vur der Erwirdiger ind Edelre vrauwen Eyrmgairt Abdisse sente Quirynz goitzhuyss zo Nuyss so die Lehenguedere synt desseluen goitzhuyss Ind vur der yetzgenanter vrauwen Abdissen gebueren vyss ind In zo gain Ind voirt der anderre guedere alle sementlichen vur die Eirsamen Richter und Scheffen der Tzweyer dynckmailen Puffendorp ind Ederen vurs. so die dair vnder gelegen synt ind vur yn gebueren vyss ind In zo gain vntguedt ind vnteirfft Ind Heynrich ind Maria Eelude vurs. dair Inn gebuerlichen vur die vrauwe Abdisse voirt Richtere ind Scheffen vurs. geeirfft ind geguedt ewelichen ind vmbermere ind haint vp die vurs. guedere alle sementlichen mit deme Eirsammen vnsen gemynden mitkanonich ind Scholaster heren Adam van den Bungairt so der selue man ind vphelder geweist is der Lehenguedere vurs. vur die obgenante vrauwe Abdisse ouch Richtere ind Scheffen vurs. So dat vur yn ind yederen van yn gebuert gebuerlichen ind gentzlichen in nutz ind vrber Heynrichs ind Maria Eeluyde obgenante yrer Eruen ind Naekoemlingen vertzegen ind vertzyen in krafft diss brieffs zo den ewigen daigen zo Ind haint wir ouch den egenante Heynrich ind Maria Eeluyde alle alsulchen verschryuongen as wir up diese vurs. guede sprechent hiebeuoire bis up huede Datum diss erffkouffs brieffs gehadt ind gebruycht hain gentzlich oeuerlieuert ind zo yren henden gestalt yn ind yere erue der selue brieue rechte gewyssliche erffhelder gemaicht ind maichen vestlichen mit Krafft diss seluen erffkouffsbrieffs So dat sy ind yre eruen van nu voirtan alle der vurg. verschryuongen