Bad Griesbach im Rottal/Landgericht Griesbach Briefprotokolle 1604-1606

aus GenWiki, dem genealogischen Lexikon zum Mitmachen.
Zur Navigation springen Zur Suche springen

[1]

[1] Quittung vm bauer storben Brüederlich Erbguet.

Hanns osterholzer zu osterholzen[1], Michael Paur Zue Türhaim[2], Apolonia Hannsen Hinderpergers Zu Hinndernperg[3] eheliche Hausfrau, Vnnd Margaretha Melchiorn Lebs am Primbsail ehewiertin, alle Viere eheleibliche geschwistriget, vnnd weillenndt Leonharden osterholzers Zu Osterholzen [Griespacher Gerichts] seligen nachgelassne Khinnder, Quittiern, Den freundlichen lieben Schwagern Hannsen Hindernperger, aufm Asngüetl Zu Tutting[4], vnnd Elspeth sein Hausfrau, vmb 170 [Gulden] so sy auf absterben Ires Bruedern Christophen Osterholzers, auf bemeltene Asengüetl Zu Tutting, als gedachts hindern Pergers Vormaister, vnnd der Elspethen, ersten Haußwierth, für anerstorben brüederlich Erbguet, bey dessen Verlassenschafft Zesuechen gehebt, vnnd Innen für solche Sprüch vnnd anforderung, hinaußgemacht, deren sy Zu völigem benüegen, entricht vnnd bezalt worden [perge]

Testes

Hanns Hirsch Zue Tutting[4], vnnd Anndre Mittermair Zu Hartkhürchen beede [Griespacher Gerichts] A[ctum] den 10. Marti A[nn]o 1604.

[2] Leibrechtbrief.

Heronimus Reischl Camrer Zu Münster[5], Jacob Walthör Gastgeb daselbs vnnd Caspar Hallinger Zu Halling, alle Drey vnnser lieben Frauen a Gotshauß

[2]

Zu bemelten Münster, verordnete Kürchbröbst haben mit g. Vorwissen vnnd bewillung der F[ürstlichen?] Landtgerichtsobrigkheit Zue Griespach, auch Herrn Pfarrer Zu Münster, Gregorien Turlach, auf der Huebpaus Zu hierlern[6], dem Gotshaus mit Stüfftgült vnnd Grundherrschafft Zuegehörig, Ambrosien Rotmair Zu bemelten Hierlern[6] auf sein leibs lebenlang, aber nit lennger, leibrecht geben vnd Verkhaufft, darfür er 20 [Gulden] par erlegt vnd Zalt hat.

Testes

Hanns Schuechschmidt vnnd Conrad Pickhel beede burger Zue Münster, Actum 10. Marti A[nn]o [160]4.

[3] Schuldtbrief.

Hanns Pfnüer aufm Lainergüetl bey Münster [e Griespacher Gerichts] vnnd Anna sein eheliche Hausfrau, geben Hannsen Hiersch Zu Tutting[4] vnnd Stephan Mittermair Zu Altenaschpach[7], als vberweilent Hannsen Riermairs daselbs Zu Aschpach seligen, nachgelassner Khinder namens Veith, Leonhardt, vnd Magdalena, Verordneten Vormundern ain schuldbrief Pr. 100 [Gulden] Gültzeit Sontags Inuocauit[8], vnnd Zue selben Zeit A[nn]o 1605 erste Zünsung, aufkhindigung ain halb Jar daruor, vnd Verporgens darzue mit Casparn Hallinger Zu Halling, Hannsen Reuchner auf der Reuchenhueb[9] Christoff Eniggl Zu Eniggln[10] vnd Marthin Hierttinger Zu Hierting[11], alle Vier e G.G. Vnuerschaidenlich, das weib Verzeuh sich Irer Freiheiten

Testes

Geörg Kelleneder Zu Khelnedt[12] vnd Leonhard Teufeleder auf der Teufeled[13]. A[ctum] ut supra.

[4] Vormund:Quittung.

Caspar Schez noch ledig : doch wol vogtbarn stanndts Vnnd weilennt Hannsen Schezens am Scheznhof[14] seligen nachgelassner sohne, quittiert seine geweste Vormunder, Veithen Schez wiert Zu Khürchhaim[15] vnnd Hannsen Huebpaur daselbs, vmb alle vnnd Jede Vormundschaftssachen, was vnd somit sie dann von seinet wegen Vnnderhannden vnd Zuuerwalten gehebt, Derentwegen die Zue Ordenliche Rechnung vnnd Pare bezallung deß Rests gethan.

Testes

Heronimus Reischl Camerer Zu Münster, vnnd Hanns Schuechschmidt burger daselbs, A[ctum] 10. Marti A[nn]o [1]604.

[5] Khaufbrief.

Caspar Mair Zue Hueberreüth e Griespacher Gerichts Verkhaufft seinem Freundlichen lieben Aiden Lorentzen Mair Zuermeltem Hueberreith[16], vnnd Rosina seiner Hausfrauen, Nemblichen, Ränndt, Fraimdt, vnnd gannze Varnuß[17], Inn. an Vnd auf der Zölbeggenhueb Zu hueberreüth, so [Fürstlich?] Gai[...?] Lehen Derohalben Ir d. an dero Lehensgerechtigkheit, allerdinngs vnuergriffen[?]. Kaufsuma 100 [Gulden].

Testes

Veith Scheichensperger Gerichtsprol. vnd Hans Schuechschmid burger Zue Münster. A[ctum] ut supra. p[erge]

[3]

[6] Ausnambbrief.

Dagegen gibt gedachter Lorennz Mair, ermelt seinem Schweheren volgenden Austrag, Nemblichen am Pazengelt[?] 100 [Gulden] die solle er Im, Inner Jarsfrist, von dato an Zerechnen erlegen, oder do ers vnnger Inhendig haben wolte, Hinfüro Jerlich Verzinsen vnnd Versichern, neben deme stell er Ime, die Zeit seines lebens, bey Ime an der Herberg, auch cost vnd vnnderhaltung, so guet ers hat vnnd das Hauß vermag, haben vnd halten, So er aber solche Cost vnnd herberg, bey Ime nit haben oder getulden mecht, soll er sich mit Ime vmb cost Herberg vnnd annders, so er sonnsten Zelaisten schuldig were, nach rath guetter leüth, der gebür nach vergleichen, Vnnd auf absterben ermelts Casparn Mairs felt dise Ausnamb widerumb Zum Lehen, darbei es Zuuor gewesen p[erge]

Testes

Vnnd datum wie oben gemelt p[erge]

[7] Leibrechtbrief.

Heronimus Reischl Camrer Zue Münster, Jacob Walthör Gastgeb daselbs, vnnd Caspar Hattlinger zu Hattling, als vnnser lieben Frauen Gotshaus daselbs Zu Münster Verordnete Zechbröbst, haben mit Vorwissen vnnd bewilligung, der F[ürstlichen?] Lanndtgerichtsobrigkheit Zue Griespach vnnd H[errn] Pfarrers Zu erwentem Münster Gregorien Turlach, auf dem Pachmairgüetl Zu Wierling, mit Rechten aigenthamb, Stüfft vnnd gült ermeltem Gotshauß Zugehörig, dem Erbaren, Hannsen Pachmair Zu Wiertting[18] vnd Barbara seiner ehelichen Hausfrauen, auf I[rer?] beeder leibs lebenlang, aber nit lenger noch [???] leibrecht geben vnnd verkhaufft, darfür Zalt 20 [Gulden] p[erge]

Testes.

Hanns Schuechschmid burger Zue Münster vnd Hans Osterholzer Zue Osterholzen[1] A[ctum] den 10. Marti 1604.

[8] Kaufbr[ief].

Geörg Schmid Paur Zue Malgerßhaim[19], verkhaufft Paulusen Schwertinger burger vnd Pekhen, Zu Cösslern[20] vnnd Reginna seiner Hausfr[auen] allen Iren erben auch nachkhommen, Nemblichen die Erbrecht aufm Weißenlehnergüetl Zue ermelten Malgerßheim[19], somit dem Rechten aigenthanb, vnser lieben frauen gotshauß Zu Münster, angehörig, Derohalben demselben, an Jerlicher Stifft, gült, vnnd aller gerechtigkheit Vnuergriffen p[erge] Pr. 170 [Gulden] Kaufsuma p[erge]

Testes.

Hanns Schuechschmid Zu Münster Veith[?] Sigmund [?] Wennger burger Zue Obernperg A[ctum] ut supra.

[9] Schuldbrief.

Thoman Paur Zu Wurmstorf[21], G[riesbacher] G[erichts] entlehnet von dem wierdigen S. Martinus. Gottshauß Zu Weichenmertting[22] vnnd desselben [4] Kürchbrobsten, Hannsen Paurn Zue Vißperg[23] vnd Jacoben Polinger Zue Lüeg 30 [Gulden] hauptsach, gültzeit Mittfasten vnnd Zue selben Zeit Anno 1605 erstes Inkraft aufkhündigung ain Viertl Jar daruor, Verporgts mit Hannsen Eggenperger am Eggenperg[24], Leonharden Kröl Zu Wurmbstorf[21], vnnd Mathesen Prosthueber auf der Prosthueb alle 3 G[riesbacher] G[erichts] welche das vnuerscheidenliche porgschafft glib ausheben p[erge]

Testes.

Vlrich Vitzdombmüllner auf der Vitzdombmüll, vnnd Sebastian Jungmair Zu Khünhaim[25], [Actum] den 10. Marti A[nn]o [1]604.

[10] Ybergabbrief.

Caspar Pruntobler Zue Pruntobel[26], G[riesbacher[ G[ericht] ybergibt seinem freundlichen lieben aiden vnd tochtern, dem Erbarn Geörgen Pruntobler doselbs, Annam seiner ehelichen Hausfrauen vnnd Iren Erben, Nämblichen Rännt, fänndt vnnd alle Varnus[17], in vnnd bey der Freistifftshueb Zu Pruntobel, das Pruntoblerguet genant, nichts ausgenommen, so samsten ainem Jeden Pfarrer Zu Münster, mit Rechten aigenthanb, Zuegehörig ist, derowegen demselben an Iren billich Rechten vnuergriffen p[erge] Kaufsumma P. 220 Gulden.

Testes

Wolf Vorster Zu Kößlern vnnd Paulus Prunneder Zu Ädriching[27]. A[ctum] 10. Marti A[nn]o 1604.

[11] Ausnamb oder Leibsnarungsbr[ief] dagegen.

Vorgemelter Caspar Pruntobler, Hat ein an Ybergebung angedeiter Rännt, Faimd vnd Varnus[17] p[erge] bey seinem Aiden vnd Tochter, Geörgen Pruntobler vnd Annam seiner Hausfr[auen] volgende ausnamb vnd leibßnarung vorbehalten, Nemblichen soll Er alter Pruntobler, beim guet in der obernstuben sein herberg vnd wohnung darinnen er yber Jar noturfftig behülzt vnd bekicht werden soll haben vnnd die teglich Pfrienndt so guets besizen selbs miessen suech vnnd yber der Erküch sich nemen, Verner volge Zue [Novem]ber Jar, neben der Pfrienndt Zur ein Spenndt, ain sackh Korn vnd 2 Kibel waiz, Mer vom fasching biß auf S[ankt] Michaelstag, alle tag ein khänndl milch, vnd von Michaelis vnzt widerumben auf ernanten faschings tage teglich ain mäßl milch. mer von Jezt gemelter fasnacht biß bif[?] Michaelen 4: vnd von Michaeli vnzt faßnacht 8 Jair[?], vnd noch darzue 8 [Pfund] schmalz Zu seinem begern auch ain Stöchkhalb oder 1 [Gulden] 30 k[reuzer] Zu sein alten Pruntoblers wal Zue stellen vnd behenndigen, Nitweniger wan narungßman schwacheit oder bösten wesshalb Rennerde[?] nit nach Pach gehn khönnde mieße Ime durch die besizer albegen Vnwaigerlich ain Roß Zuegeben ausreden. Somit aber die khaufsumma anlange soll Im dise Zalt werden wie volgt

[5]

Wann alter Pruntobler gelts beturfftig selben Ime an den ainhundert vnd Zwainzig gulden albegen auf ein begeren 4 oder 5 [Gulden] eruolgen waß aberdie anndern Hundert gulden belanget mues Junger Pruntobler seinen schwägerinen Elisabeten vnnd Balburg Zuestellen die außZaigten Trüchen haben sie bey dem alten Pruntobler Zuersuechen In diesen austragist beschlossen Wann ofternanter alter Pruntobler Die Teglich suppen vnd pfrient nit mer annemmer wolte, soll Jene Zu obgemelter ausnamb Jerlich 12. Kibel Korn vnd 4 Khibel waiz vnwaigerlichen Yberantwort werden. Do nun Er mit Tod abgangen ist gemelter austrag widerumben Zum guet gefallen, vnnd was Er an den 120 [Gulden] nit verzeren thett sowoln auch al anndere Verlassenschafft sollen seine 2 töchter vnnd Junger Pruntoblerin, mit einander Zuverthailen haben p[erge]

Testes.

Wolf Vorster Zue Cößlern vnnd Paulus Prunneder Zu Ädriching[27] e G[riesbacher] G[ericht] Actum 10. Marti A[nn[o 1604.

[12] Schuldtbr[ief].

Joachim Außerpaur am ottensperg[28]. Gablerischer[29] Vndertham, enntlehnet von dem würdigen vnnser lieben frauen Gotshauß Zue Ruestorf vnd desselben Verordneten Khürchbrobsten, Hannsen Pergermair daselbst Zue Ruestorf vnnd Michaeln obermair Zue Pulhaim[30] haubtsach 50 [Gulden] e Gült Zeit Catherinnae vnnd Zur selben Zeit, diß [1]604 Jars erste Zinsung aufkhinndigung ain Viertl Jar, Vnnd Verporgts mit Hannsen Nidermair Zu Nidern[31] vnd Hansen Staindl Zu obernschwarzenpach[32]. auch Anndre Rännzinger Zu Rännzing[33], Vrbars vnnderthaen auf F[ürstlichen]Casten Griespach, welche als vnuerscheidenlich porgen das glib ausgeben p[erge]

Testes

Veith Schichen Perger F[ürstlicher] Gerichtsprocurator Zue Griespach, vnnd hanns Sunnpekh Zu Simpach, A[ctum] den 16. Marti A[nn]o 1604.

[13] Schuldtbr[ief].

Phillipp Schlärleder auf der Schärledt, e [Griesbacher] G[erichts] entlehnt von Sigmunden Maggauer vnnd Philippen Reisinger als weilenndt Barbara Hanns Holzleittners wierts Zu Fürstenzell gewester Hausfr[auen] seligen [Ver]lassenen Zwaier Töchter, Sara vnd Susana, [Ver]ordneten Vormundern ain schuldbrief Pr. 70 [Gulden] Gült Zeit Mittfasten vnnd A[nn]o 1605 erste Zinnsung, Vfkhindigung ain Viertl Jar. Porgen, Hanns Sunpekhen, Zu Simpach[34], Hanns Häggl Zue Reisching[35], Hanns Eilinger Zu Eilling[36], Sebastian Spizeder Zu Spizet[37], vnnd Mattheus Hischenauer wiert Zu Enngerzheim[38] Starzhauserscher Vnderthaen, als vnuerschaidenlich,

Testes.

Sebastian Aichinger Zu Aicha. Vnnd Peter Willner Zu Guerlern. A[ctum] ut supra p[erge] /:

Annder Zeug

Geörg Vttinger vnnd wilhelm Meixner bede Burger Zu Griespach den 16 Marti A[nn]o [1604]

[6]

[14] Schuldtbr[ief].

Georg Härg Zu Hergerzheim[39], Gräfischer auf Söldenau Vnnderthan. Enttlehnet von Sigmunden Tobler Zu Perg vnnd Geörgen Hueber Zue Reitterln. als beede yberweilennt, Wolfganngen Poxreiters Zu Poxreith Griespacher gerichts seligen nachgelassnen Kinndern, Jacob, Lorennz, Sebastian, Magdalena, vnnd Maria, Vordneten vnnd angesezten Vormundern, Haubtsach 70 [Gulden] Gültzeit Mittfasten, vnnd Zur selben Zeit, Anno 1605 erste Zinnßung, die aufkhindigung ain Viertl Jar. khamftig daruor. Vnnd Verporgts mit Paulusen Pauren Zu Genßhalß[40]. Matheusen Paurn Zue Perg[41]. Sigmunden Wibmer auf der Wibm, Hannsen Schletter Zu Hergerzheim[39], Gabrielen Erber Zu Hundhaupten[42] vnnd Valenthin Älbelpaurn Zue Nidernreittern[43] alle 7 Grießpacher gerichts sesshafft, welche samentlich das vnuerschaidenlich glib ausgeben p[erge]

Testes.

Stephan Schuester Zue Hitting[44] vnnd Paulus Paur Zue Perg[41]. A[ctum] den 16. Marti A[nn]o 1604.

[15] Vormundt.Quitt[ung].

Michael Spraithueber, noch lediges: vnd wol vogtbaren stanndts. Weillennt Wolfen Spraithuebers Zu Spraithueb[45] Griesbachergerichts seligen nachgelassner sohn, Quittiert seine geweste Vormunder, Valenthin Hueber Zu Gerhaling[46] vnnd Geörgen Hueber zu Hütting[44], so aber Jungs verstorben, vnnd anstat dessen sein hinderlassner wittib, Helenna, Vmb alle vnnd Yede Vormundtsschafft sachen, was vnnd somit sy dann vnderhanden vnnd Zuuerwalten gehebt, Das sy Ime an Heüt dato, ordenliche Rechnung vnnd bezallung deß Restes gethan. Deßwegen er sy allerdings quit ledig loß vnnd müessig Zellen. p[erge]

Zeugen

Veith Scheihensperger vnnd Sigmund Mor Hofwierth beede Gerichts Procurator Zue Griespach A[ctum] den 17. Marti A[nn]o 1604.

[7]

[16] Quittung

Matheuß Kleber Zue Außheim[47], yber weilent Hansen Wägners Zu Adlmietting[48] 33 vnnd Margareta seiner ehelichen Hausfrauen beeder seligen nachgelassnen Khinnder, namens wolf vnnd Barbara Verordnete gewester Vormundt quittiert derselben Stief: vnnd eheleiblichen Bruedern Stephan Wägner Zue Pürchen[49]. Dergestalt, Nachdem Er solchem Inhalt schuldbriefs, außberirt Seiner vormundschaffts [Ver]waltung 41 [Gulden] Hauptsach "gelieht" für, hat doch wägner diß gelt sambt aller dauon verfallnen gülten vnd vncosten vor 3. Jaren Ime Vormund aufrichtig bezalt er auch solches den Pflegekhindern ordenlich [ver]rechnet, Dieweilen aber ernanter schuldbr[ief] [ver]lohren vnd derzeiten nit mehr fündig, solle doch diser gegen iezt von hannd gegebner quittung. es werde der Vber lanng oder kurz, widerumben fündig, genzlich ab Tod vnd aller Dinges Crafft loß sein vnd auch Vermelter Stephan wägner vnd seine Erben Verner vnangelangt [ver]bleiben p[erge].

Zeugen.

Leopolt Aumüller zu Aumüll[50], vnd Veith Liebenreither Zu Liebenreith[51] beede G[riesbacher] G[ericht] den 16. Martii A[nn]o 1604

[17] KhaufŸbergab.

Hanns Weinndl Zu Reispach[52]. Innamen Geörgen Grienndls Zu Hofstetten[53] g[riesbacher] G[erichts], der Ime obgelegenen alter auch weite des weggs halber Volmachtigen gewalt geben. vnnd Barbara, gemelts Griendls eheliche Hausfrau, Verkhauffen vnnd ybergeben, dem Erbarn. Melchioren Hinndinger von Peitlpach. Barbara seiner ehewirtin vnnd Iren Erben. Nemblichen die Freistifft auf dem Grienndlgietl Doselbst Zu Hofstetten welches mit der Grundhernschafft dem würdigen Closter S. Saluator Zugehörig ist doch an aller Grundtsgerechtigkheit vnuergriffen p[erge] sambt aller vnnd Jeder Verhanndner Varnus[17], auch Rännt vnd Fännden nichts ausgenommen. Darumben vnnd darfür, ist Ime 400 [Gulden] erlegt vnd zat worden [perge]

Zeugen.

Hannß Gännthaimer Zue Gänntheim vnd Balthasar Tanner aufm Weigglguet Zu Ennthaim[54] G[riesbacher] G[erichts] Actum den 17. Martii A[nn]o 1604.

[18] Außnambdagegen.

Vermelter Hinndinnger vnd sein weib sollen dem ernanten Grienndl, die Cammer am Flöz gegen der Stuben yber, Darin er Ruh sein Pech vnnd ligerstat haben khann. Zuerichten vnd ain öfel darein sezen lassen, auch Ime die teglich suppen yber Iten Tisch so guet sy es haben raichen vnnd geben, Nachdem er ain alter Khrumpper Mann vnd teglich ains menschen beturfftig [8] sollen sy dessen töchterl Maria 2 Jar vnnd mit lenger mit notturftiger cost [ver]sehen. Sonnsten sollen vnnd müessen sy die Kaufpr. Ime alten Griendl vber angedeüthe suppen vnd Pfreindt Jerlichen Zue einpueß vnnd damit er sich desto böser hinbringen khann. ain Kibel waiz orttenburger maß 2 Köpfschmalz. 60 Air. 2 leinberchene Hemet vnnd Rodu[?] ain par schuech geben vnnd Zue stellen. Auch die angezaiget kaufsuma volgender mmaßen bezahlen. nemblichen auf negst khomende Pfingsten 250 [Gulden] Weinnachten hinach 60 [Gulden] vnnd die ybrigen 90 [Gulden] ainzig auf sein begeren erlegen. doch soll er dise 90 [Gulden] Vnuerzinst 3 Jar, Zu henndig haben ofternanter Grienndl soll sich selbst behilzen vnd bleichten, auch sein weib Barbara. Die herberg solang er lebe haben. aber die Cost mues sy Im selbst trachten vnd khauffen p[erge] Testes vnd datum wie oben p[erge]

[19] 2. Verträgsbr[ief].

Auf Zeitlichs ableiben weilennt Sebastian Wölppls Zu Ennthaim[54]. Griespachergerichts seligen, hat sich desselben hinnderlassne witib. Anna, ains dann Joachim Weiggl lediges vnd wol vogtbarn stannds annders: Verner Paulus Schneidereder in der Mitterpaul vnnd Hanns Graineder als bede vber gedachts weiggls bey seiner erstgenersten Hausfrau Veronica seligen erworbenen Tochter Eua, Vnnd bei seiner hinderlassnen witib anderer Sohn erzeugten Khinndts. Magdalena. Verordnet vnnd gesezten Vormundten, Drittenthails. Vmb Vnd von wegen der witib Heüratlichen Sprüch vnnd gerechtigkheit, dann der Khinnder, Erst: vnnd annderer Ehe. Vätterlichen guetshalb. durch vnnderhanndlung gueter Vnpartheyischer Männer, güetlich [ver]aünt [ver]glichen vnd Vertragen.

Nemblich so ist der witib für deren heüratliche Sprich vnnd gerechtigkheiten, das Inuentiert schlecht Haußrätl Zubedacht Ir gestorbener Mann vnd sy die Frestifftsbesezung, ränt fännd vnd varnuß[17], beim Weigglguet Balthasern Tanner P. 220 [Gulden] ybergeben [?] gelassen vnnd noch darzue 53 [Gulden] Par gebt von iezt bemelter Khaufsuma Zuegestält vnd bezalt worden damit ist sy angedeits heürat Spruchs auf ebig Zeit [ver]günegt.

Geicherweiß mueß von merberirter Kaufsuma dem vogtbaren sohn Joachim vnd seiner leiblichen Schwester Eua Hieuor außgezaigt Müetterlich Erbguet Jedem 20 [Gulden] [Pfund] 40 [Gulden] vnd an Jezto auch iedem vätterlichs Erb 20 [Gulden] macht Zesamen 80 [Gulden] Iner Jars doch ohne gült durch besagten Balthaser Thanner yberlifert werden. Do er aber diß geld lennger gebrauchen wolle. solle Ers Zu uergniessen vnnd Zu uerzinsen schuldig sein.

Yber diß alles volgt auch dem Jüngern Maidl für anerworben vätterlich guet 20 [Gulden] Preisgelt so der Zeiten bey vilbemelter Kaufsuma ligend: vnd Er Tanner ebenmessig nach ausgang, der Jars frist Zuerlegen schuldig ist. dardurch sein die vormunder an statt der Pflegtochter [ver]gnügt. Vnnd solle auch die

[9]

ernant witib Anna, gegen der eingehenndigten schlechten varnus[17] oder haußrätl bemelt Ir töchterl biß es sein 12. Jerig alter erraicht mit aller gebürennden nothurfft in gesund vnnd Khrannkheit vnderhalten vnnd Müetterlicher Treu nach auferziehen p[erge] Letztlichen Was nun sein des algeleibten Weiggls Verlassen gleubiger vnd schulden belangen. sollen dise ebenfalß von vilberirter summa d. 220 [Gulden] abgelaint auch was yber aufrichtung der [ver]trägsbrief erlauft thun. dauon bezalt werden, also vnd erzeltermaßen sein die Tail, außer khonfftiger Todfäll vf ewig Zeit [Ver]glichen vnd [ver]tragen p[erge]

Zeugen.

Hanns Gännthamer Zue Gänthaim [Greisbacher Gerichts] Vnnd Hanns Weindl Zu Reispach[52] Pienznauerischer vnderthon. A[ctum] den 17. Marti A[nn]o 1604.

[20] Quittung

Michael Sigl am Hasenperg[55] G[riesbacher] G[erichts] vnnd Valchin Paur Zu Schilling Pieniznauerischer Vnderseß an stat seins sohns Hannsen. welchen Er bei seiner Ersten Hausfrauen Magdalena Siglin selig ehelich erworben quittieren Iren freundlichen lieben brueder vnd schwagern. Anndren Sigl auf der holzen [Griesbacher Gericht] vmb das Innen solcher auf obsterben Irer schwester vnnd schwägerin Anna Siglin, von derselben Verlassenschafft 34 [Gulden] freis gelt, an heüt dato par erlegt vnd zalt hat p[erge]

Testes.

Leonhard Hasenspger wiert Zu wenng[56] vnd Sigmund Schmid daselbs. A[ctum] ut supra.

[21] Vormundtsquitt[ung]

Joachim Wälggl ledigs vnnd Vogtbaren stanndts, Weillennd Sebastian Wäkkhels Zu Ennthaim[54], [Griesbacher Gerichts] seligen nachgelassner Sohn quitiert die Erbarn Paulußen Schneidereder in der Mitterfaul vnd Hannsen Graineder vmb das Im solche auf ableiben berürts seines Vattern. Yber austorben Vätterlich Erbguet Durch die F[ürstliche] Gerichtsobrigkhait Zu Griespach. Zu Vormundrn Verordnet vnd gesezt worden. Dieweilen er ober sein vogtbarn Jar erzaicht, haben Ime angedeite gerhaben mit vorwissen wolgedachter obrigkheit solch sein Erbguet so sich auf 40 [Gulden] erstrekht ohne V[er]ers Rechnen in aufgenommen [ver]magt, Zu Hannden Zalt vnnd yberlifert, daran Er Ime ewige Zeit Comdent sein vnd Verpleiben leichte[?] deßwegen Guet er obernante Vormuner an heüt dato ordenlich quitierten loß vnd ledig Zellen p[erge]

Testes.

Hanns Gännthamer Zue Gantheim [Griesbacher Gerichts] vnnd Hanns Weinndl Zu Griespach. A[ctum] Den 17. Martii A[nn]o 1604.

[10]

[21] 3. Verträg

Auf Zeitlichs ableiben weillent Leonharden Paurns Zu Lerchen[57] Griespachergerichts seligen, Hat sich desseben hinnderlassne witib, Magdalena, ains, Matheuß Winckler Zu winckhel[58] Gräfischer auf Neydegg vnnderthan, Innamen vnnd an stat seiner freundlichen lieben Hausfrauen Chaterina annders vnnd dann Michael Seibolter Zu Seibolten vnnd leonhard hueber Zu Willing, als yber gedachts Paurn, bei seiner Ersten Hausfrauen Vrsula, erworbnen Tochter Barbara, genant, dann bei ernanter witib Anna, annderer Ehe erzeugten Khinndts Eua, Verordneten vnnd angesezten Vormundern, dritten thails. Vmb vnd von wegen Ir der witib heüratlichen Sprüch vnnd gerechtigkheiten, dann der Khinder Erst; vnnd annderer Ehe, Vätterlichen guets halb. durch vnnderhandlung gueter vnparteyischer Erlicher Männer, güetlich veraint Verglichen vnnd Vertragen.

Nemblichen so its der witiben für deren heüratliche Sprich vnnd gerechtigkheiten, das gestifft Jar, rännt fännd vnnd gannz Varnus[17], bey dem Paurn guet Zu Lerchen so mit der grundherschafft beeden gottsheüser, Vttlau vnnd Harbach Zuegehörig ist doch denselben an Iren Tacht[?] vnd gerechtigkheiten vnnergriffen nichts ausgenommen. Ybergeben vnd eingehenndiget worden Damit solle sy Irer Heüratlichen vnd all annder Sprüch [Ver]gnüegt sein vnd bleiben.

Entgegene[?] vnnd für solche Ybergab, des gestifften Jars Rännt, fänndt vnnd Varums[17], soll sy Hie obgemelten Matheusen Winckler an stat seiner Hausfrauen merers nit dann 4 [Gulden] Zubedacht Er von dem abgeleiben leonhard Paurn alberaith 65 [Gulden] Heüratguet lautt darumb [Ver]handner quittung empfanngen vnd eingenommen. Jedan er solche begert vnd haben will. für vätterlich Erbguet Zue stellen vnd einhendigen hierdurch ist er vnd berirt sein weib Zue genigen Condent vnd Zefriden,

Venrer ist für die ernant witib Madalenna beeden khinndten Erst vnnd annderer Ehe für vätterlichen Erbthail, an Parenz gelt nemblich der Barbara 29 [Gulden] ain Pett oder 5 [Gulden] ain truchen oder 1 talter welche Truchen die Pflegtochter alberait beyhannden vnd dann für ausgetragne claidung 6 [Gulden] Auch der Jüngern vnd Irer eheleiblichen tochter 30 [Gulden] ain Pett oder 5 [Gulden] vnd ain Truch oder darfür 1 Taller die wahl soll beyden Khinndern stehen, Peth gelt oder Trichen ausgenommen p[erge] hinaußzegeben schuldig, Der Barbara thail soll Ir der witib von dato an ain Jarlang, ohn gült Inhendig [ver]bleiben aber hernach mueß sy es ordenlich [ver]gewissen vnd [ver]zinnsen, Souil aber des Jüngern Maidls Portion betrifft hat sich biß ermelt khind 12 Jar alters erraicht entzwischen sie es mit aller gebürenden notturfft erhalten vnd auferziehen solle, ohne Raichung ainiches

[11]

Innteresse, Zugebrauchen, wann aber solche 12 Jar auß vnnd fürüber, alsdann soll sie dessen gebür erlegen vnd zallen.

Vnnd nachdem gedachter [ver]storben Leonhard Paur auf ableiben seiner ersten Hausfr[auen], seiner bei Ir erzeugten Tochter Barbara für deren Anerstorben Müetterlich guet 40 [Gulden] fürgesezt, welche Der witiben auch Zubezallen Ein: vnd Yberpunden worden. Die soll sy den Vormundern anstat der Pflegtochter, von dato an yber ain Jar doch ohne gült erlegen vnd richtig machen.

Beschlieslich legt auch die witib den Khindern erst vnnd anndere Ehe ohn entgelt ob, allen Verhannden schuldlos so Paur [ver]lassen. Nitweniger Inuentur Salguet, Todfall. Zueständ vnd was vnnder disem [Ver]trag, an Sigl schreibgelt Jörung vnd in all annder weg, auferlassen p[erge]

Zeugen

Stephan Gril Zu Vttlau vnnd Sebastian Abtandspekh bei Egglheim. Gräfischer Vf seldeu vnnderthan. Ac[tum] Den 17. Marz A[nn]o 1604.

[22] Kaufbrief

Benedict Hollerwegkh Zue Helhaim[59] G[riesbacher] Gerichts für sich selbst, auch In namen vnnd anstat seiner lieben Hausfrauen Barbara, deren er sich Versprechlichs Gewalts animbt Verkhauft dem Erbarn, Geörgen Probsten von Reiggershaimb[60], noch ledig stanndts, vnd seinen erben. Nemblichen alle vnnd Yede groß vnd claine Varnus[17] sambt Ränd vnnd Fännden Was vnnd souil sy die [ver]khauffer, bei dem Verleibgedingten hollerweggenguet zu Helheim[59], gehebt vnnd genossen haben nichts ausgenommen. Welches guet mit grundherrschafft dem Schotten Zu Scherding vnnderworffen. vnnd Zuegehorig ist, P[reis] 255 [Gulden] daran Zalt er Inner Jarsfrist 100 [Gulden] den Yberrest sol Khauffer in khamstig[?] Verporgen vnd verzinnsen p[erge]

Testes.

Geörg Schiermair Leinweber vnnd burger Zue Coßlern[20] vnnd Leopold Wagner Zu Taimheim Ac[tum] den 18. Marti A[nn]o 1604.

[23] Schuldtbrief

Sebastian Pachmair Zu Burckharting[61] [Griesbacher Gerichts] entlehnet von Sigmunden Püchler Zu Püesting[62], vnnd Wolfen Mairhouer webern Zu Dorfpach. als bede Yberweillent Hannsen Zimermans Zu Schmidthaim seligen nachgelassnen Kinnder namens, Caspar. Barbara vnnd Agnes. Verordneten Vormundern Haubtsach 48 [Gulden] Gültzeüt Mittfasten, vnnd A[nn]o 1605 erste Zinßung.

[https://dfg-viewer.de/show?tx_dlf%5Bdouble%5D=0&tx_dlf%5Bid%5D=https%3A%2F%2Fwww.gda.bayern.de%2Fmets%2Fe1369a7f-6750-46c4-bc39-d63d4e825335&tx_dlf%5Bpage%5D=15&cHash=f1839147d04c3e598318f678d2ec688a9

aufkhündigung ain Viertl Jar daruor, Vnnd Verporgts mit Gristophen Wägner Paurn Zu Reittern, Leonhardten Pronnreiter Zue Pronnreith. Hannsen Hüll Paurn in der Au, [Griesbacher Gerichts] auch Anndren Pruner im Vnndernharbach. Schachnerischen auf Töttenweiß Vnnderthon. welche samentlich das Vnuerscheidenlich Porgschafft ausgeben p[erge]

Testes.

Stephan Schuester Zue Hütting[44], vnnd Michael Hölzl Zu Nidernreittern bede [Griesbacher Gerichts] A[ctum] 18 Martii a[nn]o [160]4

[24] Quittung

Geörg Schmidtpaur Zu Ynnzing[63], als yberweillend leonharden Webers auf der webersölden daselbs vnnd Catterinna, seiner ehelichen Hausfrauen beder seligen nachgelassner Kinnder, Simon, Anna vnd Agnes genannt Verordneter Vormund, Quitiert Der Pflegkhinnder freundlichen lieben schwagern Paulusen Schreiner an Yezt auf obberirter wöberselden Zu Ynnzing[63] sesshaft, vmb das Ime solcher auf ableiben seiner Hausfr[auen] Maria als der Principäl schwestern. Das anerstorben Schwesterlich Erbguet. 30 [Gulden] beeden töchter Patin[?] Gerichtpet[?] aler 5 [Gulden] auch dem Simon ain Truhen so er alberait empfanngen, erlegt vnnd bezalt hat p[erge]

Testes.

Stephan Nidernhueber Zu Hader[64] vnnd Geörg Oberreütter Zu oberreüth[65] A[ctum] 19. Marz A[nn]o [160]4.

[25] Schuldtbr[ief]

Leopald Gerauer Zue Mittich[66] Mattauischer vnnderthan vnnd Madalena sein Hausfrau, neben Iren erbettnen Anweiser Geörgen Piernndorfer Zu Pierndorf[67], Enntlehen von Sebastian Schmelzen Zu Schlupfing[68], Haubtsach 100 [Gulden]. Gültzeit Georgi vnnd A[nn]o 1605 erste Zinnßung, die aufkhindigung ain halb Jar daruor vnnd Verporgts mit Sebastian Schieln Zu Nidernhartheim vnnd Seyfrid Paurn am orth, Zu Retting[69], beede [Griesbacher Gerichts] Vnuerscheidenlich, das weib verzeicht sich Irer heüratlichen gerechtigkheiten p[erge]

Testes.

Matheus Seltenhaimer burger Zu Griespach vnnd Thoman Prieler Zu Pokhing Ac[tum] den 19 Martii A[nn]o [160]4.

[26] Quittung

Agneß, weilennd leonharden webers Zu Innzing[63] vnnd Caterinna seinerehelichen Hausfr[auen] beder seligen nachgelassne tochter, an Yezt Leonharden Schittvierer Tagwerchers Zu Enngerzheim quitiert in beisein erstgedachts Ires haußwierts, Den Erbarn Geörg Schmidpaurn Zu obgemelten Innzing, Vmb das solcher Ir, von Irer verstorbnen schwester Maria, Paulsen Schreiners daselbs Zu Inzing gewester ehewiertin ererbten schwesterlichen guet 10 [Gulden] Verordneter Vormund gewest Also hat Ir, solcher an heüt dato yber beschehens bezeichnen in allem 17 [Gulden] 4 [Schilling] erlegen vnd yberantwort p[erge]

Testes. Stephan Vndernhueber vnnd Geörg oberreuther Zu oberreith[65]. A[ctum] ut supra.

[12]

[27] Quittung

Wolf Jungmair aufm Crampenguet Zu Schor. Neuhauserischer Vnnderthon. quitiert seinen eheleiblichen Vattern vnnd Stiefmuetter Leonharden Jungmair Zu Obern Inntlinng[70] vnnd Margateha sein Hausfrauen. vmb das Ime solche auf ableiben seiner Muetter Madalenna seligen. Für anerstorben Muetterlich Erbguet 90 [Gulden] vnnd dann 20 [Gulden] Versprochen Heüratguet sambt Reuerend ainer Kue, an heüt dato par erlegt vnnd Zalt haben Deßwegen Er sie allerdings quitieren vnd ledig Zellen thuet p[erge]

Testes.

Geörg Pierndorfer Zu Pierndorf[67] vnnd Geörg Kopfreither tagwercher Zu Intling a[ctum] den 19 Marti A[nn]o [1]604

[28] Khaufbrief

Christoff Guetyel[71] im Stainspach[72] [Griespachergerichts], vnnd Barbara sein Hausfrau, ybergeben vnd verkhauffen, Irem eheleiblichen: vnd Stiefsohn, Hannsen Geutyell, lediges: vnnd Vogtbarn stanndts, Nemblich das gestifft Jar, bey der Guetyelnsölden daselbst im Stainpach, welche, sonnst mit Grundherrschaft dem Capitl Vilßhouen Zugehörig doch demselben an aller billichen Forderung vnd Grundsgerechtigkheit Vnuergriffen, sambt Ränt Fänden, aller vnd Yeder Varnus[17] nichts ausgenommen P[reis] 244 [Gulden].

Testes.

Sigmund Wennger burger Zu obernperg. vnnd Hans Mair am Stainpach[72] [Griesbacher Gerichts] A[ctum] 20. Marti A[nn]o [1]604.

[29] Außnamb dageg[en]

Vorbemelter Christiff Guetyell, hat Ime bey seinem sohn Hannsen Guetyeln, gegen Ybergebung des gestifften Jars, Rännt fännd vnd Varnus[17], volgenden Außtrag vorbehalten, Nemblichen soll Ime sein sohn, die Teglich Pfriennd vnd Suppen so guets besizer selbs mieß geben, vnnd Raichts, Ihrendie ligerstat im obern stibel, Vnnd Zue einpueß Jerlich, ain Kübel waiz ain härben hemet [ter]tio ain Par schuech vnd 30 Äyer Zue stellen. Vnd yberantworten, VonObbemelter Kaufsuma der 244 [Gulden] solle Hans guetyell sein des alten, verhanden glaubiger vnd gelt schulden bezallen vnd richtig machen. [perge] Testes vnnd datum wie oben p[erge]

[30] Quittung

Barbara weilent Hannsen Gruebers Zu Irßheim[73] seligen nachgelassne tochter quitiert, Hannsen Muxeneder noch lediges: vnd vogtbarn standts. vmb das sie Zu Ime wegen gelagter Ehesprich, aufgemenden[?] Vnerstens[?] Sprüch vnd Vorderung gehebt. Also hat Ir solcher auf vnderhandlung gueter Vnpartheiischer Mäner 30 [Gulden] Preisgelt an heüt dato erlegt vnd bezalt [perge]

Testes.

Michael Spizensperger Pekh Zu Fürstenzel vnd Michael Pächler Zu Holzheim. Ac[tum] ut supra

[13]

[31] Ybergab.

An heüt dato den 20. Martii a[nn]o [1]604 ist Zwischen dem Erwürdigen vnnd wolgelerten Herrn Caspar Nellern Pfarrer Zu Pierpach, an ainern. Dann Herrn Gregorii Durla, Pfarrer zu Münster im Rottall, anndernthails. wegen der Varnus[17], so Herrn M. Jacoben Hueber seligen von bemeltem Nellern vmb 900 [Gulden] erkhaufft, vnnd mit entricht: ain bestenndige Ybergab, abgered vnnd beschlossen worden. volgendter gestalt, soll er Herr Neller, berurtem Jezigen Pfarrers Zu Münster, seine habennde Geist[liche] vnd weltliche schuldtbrief, diß aus stanndts Herrirent, nach empfang der Neuen obligation einanntwortten, Darauf Herr Durla, für all des Herrn Nellers, gegenwiertige vnd khonnftige anforderung, Ime in ainer Summa 400 [Gulden] daran Er Contentiert: vnnd aller Sprüch abgewisen sein, doch vnnderschiedlicher drey Jarsfrist Yederzeit auf liechtmessen, als wann man bose Zellen wierde, erstes Zill, hundert: Yberige Zway Jar aber, absonderlich anndere halb hundert gulden, erlegen vnnd richtig machen. solches gelt auch Ime Nellern, ohn sein Vnersten Iberantworten solle, Vnnd ist insonderheit abgeredt, das dise Ybergab, annderer gestalt nit, dann den Jeden Pfarrern Zu Münster, sich des Ihenigen behelfs, der Prioriteth, vor anndern Curent schuldnern Zugebrauch. welcher Herrn Nellern, Zusuechen beuor gestannden Im fall aber, Nachdem willen Gottes oftgedachter Herr Pfarrer Zue Münster, Vor ausganng der 3 Jarn Todts Verschaiden solle, sund Ime Herrn Nellern Zu einbrinngung seiner schulden, der 400 [Gulden] Vor all anndern gleübigern, der regress vnnd fürganng beuor Zeügen diser Ybergab vnnd Siglbittung sein Die Erwürdigen, Geistlichen vnd Erbarn H[errn] Stephan Erling Pfarrer Zu Kürchhaim, vnnd Johann Rheichenperger Pfarrer Zu Weichmertting, auch Jacob Walthör Hofwiert vnnd burger Zu Münster. A[ctum] ut supra.

[32] Kundtschafft Ehelicher geburt.

Hanns Siglmüllner, seine Handwerchs ain Pekh Martin Sigmüllners auf der Heumill Zu Fürstenzell, vnnd Margarethaen seiner Hausfrauen eheleiblicher sone, Begert Kundschaft ehelicher geburt vnnd das Er niemand leibaigen, Stelle derowegen der sachen Zu Zeugen für die Erbarn. Hannsen Reisinger Zu Fürstenzell bei 80; Sigmunden Maggauer Zu Khematen. 75: vnd Sigmunden Veltl Zu Holzheim. 65. Jarn, allters alle 3 Griespachergerichts, die Zaigen an Aid stat Yeder in abwesen des Anndern, an, das Innen wolbewüste, Das sich vor 33. Jaren obgedachter Martin Siglmüllner, Zu seiner verstorbenen Hausfrau Margaretha, die weilent Hannsen Rottpaurns Zu Aschperzheim[74] vnnd seiner Ehewiertin Tochter gewest, ehelichen verheürat sich beyden würdigen Closter Fürstenzell, durch H[errn] Geörgen Schönndorfer Coimentualen daselbst, einsegnen lassen

[14]

Ir hochzeitliche Malstat bey Jacoben Auer Hofwiert daselbs gehalten hernach Zu Guerlern[75] heüslichen nider gethom, alda berirten Hannsen sambt auch[?] mer Khindern, ehelich mit einander erworben den für [???] sohn erkhennt, angenommen vnd erzogen, Vrsach Ir der Zeugen wissen. Das sie auf der Elich geholtnen Tagwerch vnd Hochzeit geladen brueff vnnd Zeug Veltl. Preittfierer gewest. Vilgemelter Hanns Siglmilner ist nit leiben aigen p[erge] A[ctum] 22. Marti A[nn]o [1]604.

[33] Quittung

Jacob Müllner Zu Aschperzheim[74], vnd Anna, Georgen Stöpffels Hausfr[au] bede geschwistriget vnd weilent Hannsen Milners an der Siglmül[76] selig nachgelassne Khinder, quitiern Ire Vor[munder] Marthin Siglmillner Zu Furstenzell vnd Geörgen Hischenauer, vmb alle vormundsschöfft sach. was vnd Souil sy Zu Verwolten gehebt vor 4 Jarn ordenliche rechnung vnd heüt dato 60 [Gulden] pare bezallung gethan. p[erge]

Testes.

Sigmund Mackhauer Zu Kemotten vnd Hanns Reißinger. A[ctum] ut supra.

[34] Schuldtb[rief]

Leonhard Hainndl Zue Sünspach vnnd Rosina sein eheliche Hausfrau, neben Iren Anweiser. Marthin Aumillner entlehnen von Sigmunden Holzstadler Zu Holzstadl[77]. Haubtsumma 200 [Gulden] Gültzeit Mitfasten vnnd A[nno] [1]605 erste Zinnsung aufkhindigung am halb Jar daruor Verschrieben vnd Vergwissens Ime Holzstadler vnd seinen Erben. Auf allen vnnd Yeden. Iren aufligendt vnd karennden haab stukh vnd güetern. Yezig vnd komfftig nichts ausgenommen Also vnd dergestalt, khomende Ire. Haubtsach, Zinsung vnd billich vncosten darbei Zesuechen vnnd Zuebekhommen p[erge]

Testes.

Hanns Tax Gastgeb vnnd Burger Zue Griespach vnnd Stephan Grießlperger Zu Heiming Vilßhouer Gerichts, A[ctum] den 22. Marti A[nn]o [1]604.

[35] Schuldtb[rief]

Gotthart Holzner am Stainperg[78] vnnd Anna seine eheliche Hausfr[au] auf anweisung Geörgen Pierndorfers. Enntlehen von Michael Schmid Paur Zu oberndorf. 60. [Gulden] haubtsach welche seinem Söhnle Geörg genant als ein Müetterlich Erbguet Zuestendig, Gültzeit Georgi A[nn]o [1]605 erste Zinnsung, Vfkhindigung ain Viertl Jar daruor, Verporgens mit Thomas Niderngrueber am Stainperg[78]. Geörg Peisser

[15]

daselbs. beede [Griesbacher Gerichts] Adamen Nachbern Zu Huggenhaim[79] auch Casparn obermair Zu Tobel[80], Auerische auf Cleberg vnnderthonen, Vnuerschaidenlich, Die Anna Holznerin Verzeicht sich Iren weiblichen Freiheiten vnd heüratliche Sprich vnd gerechtigkheiten p[erge]

Testes.

Sigmunft Grueber wierth Zue Peurbach[81]. vnd Geörg Greckh, Burger vnd Schlosser Zu Münster[5] 24. Martii a[nn]o [1]604.

[36] Schuldtb[rief]

Valtin Älbelpaur Zu Nidernreitern[43] [Griesbacher Gerichts] Entlehnet von Geörgen Hafner Zu Fürstenzell vnnd Geörgen Hager, alß weilennt, Paulusen Schuesters Zue Aschperzheim[74] seligen nachgelassnen Kinder Marthin vnnd Maria genant, Verordneten Vormundern, 30 [Gulden] Haubtsumma: Gültzeit Liechtmessen A[nn]o [1]605. erste Zinnsung, vfkhindigung ain Viertl Jar. Vnnd Verporgets darzue, mit Hannsen Ruehamers Zu Rueprechting[82], [Griesbacher] G[erichts] vnnd Egidi Huebern Zu Haußmaning[83] Elrechingerischen Vnderthon vnuerschaidenlich p[erge]

Testes.

Jacob Tänndl Zu Nidernreittern[43], vnnd Thoman Häberl Zu Hütting[44]. A[ctum] 35 Martii A[nn]o [160]4.

[37] 2. Vertrag

Zuuernemen welchermaßen vnnd gestallt, auf Zeitlichs ableiben, weillent des Erbarn, Christophen Mairs wierts Zu Kharpffhaimb[84] seligen, sich desselben hinderlassne wittib, Anna, Ains . Wolf Mair Wierth Zu Wiertting, Barbara Mairin ledig stanndts, anstat deren geordnete Vormunder, Matheus Mair Zu Kazhaimb[85] vnnd Stephan Peninger Zue Pening[86], weilennt, Thoman Mairs Peckhen vnnd Burgers Zu Vilßhouen, seligen nachgelassnen Tochtern, an Yezt Vrban Moser Pierpreuen auch burgers daselbst, Hausfr[auen] an deren stat neben Irem Haußwiert, mit Volmechtigen Verferttigten Gewalt, Galus Hartman Gerichtsprocurator alda Zue Vilßho[uen] erchinnen, anndersthails. Vmb vnd von wegen der witib heüratlichen Sprüch vnnd gerechtigkheiten, auch der Innteressenten anerstorben Brüeder: vnd vetterlichen Erbguets halber, durch vnnderhanndlung, Zu bederseits erbettnen Herrn vnnd beistenndter güet vnnd freundlich Verglichen vnnd Vertragen haben, wie volgt.

Nemblich vnnd fürs Erste, solle angedeüter wittib, Anna, für deren heüratliche Sprüch vnd gerechtigkheiten, die besiz: vnnd nuzniessung, in an vnnd auf der Tafern Zubemeltem Kharpfhaim, sambt den darzue gehörigen, Ställ, Stallungen, Gärtten vnnd annderen, Wie solche allerdings mit March vnnd Zaun vmbfanngen, Gleichfals Die Vberigen durchIren abgeleibten Haußwiert.

[16]

Vnnd sie die witib, Hinzue erkhouften Wißäggern, Vischwassern. was vnnd souil dann seines an Grundstüggern, Verhannden, vnnd Innen dem Conuoleleln[?]. durch Iren Vatter vnd Schwestern Hannsen Mair seligen, laut brieflicher Vrkhunden, Ybergeben, vnnd bishero Zugehebt worden, nichts ausgenommen, Ir leibs lebenlanng, volgen. Nitwenniger auch ganntze Varnus[17] groß vnd clainer, in Summa alles das was Varnus ist vnnd haist. sowoln alle Verbrieffte: vnd Vnuerbrieffte schulden. Pargelt, Silbergeschmeidt, Traid, Wein, vnnd alles annders p[erge] nichts außgeschlossen. für aigentamblich Verbleiben vnnd Zuestehen, Damit solle Sy mer berierts heüratguets auch anderer Irer heüratlichen Sprüch. Condent vnd Vergnüegt sein vnnd bleiben.

Dagegen vnnd Zum anndern, gibt sy besagten Erben samentlich, für ober Zelt alles freis ledigs gelt, Benenntlich in ainer Saemma. 1300 [Gulden] An welcher Haubtsach, ernante witib, Innen den Erben, alßpaldes vnnd mit eheistem 150 [Gulden] behenndigen Vnd Zuestellen solle. Waß vnnd souil aber den Yberreste der 1150 [Gulden] belangen Thuet, soll die bedeüth witib, von dato an Yber ain Jar (. doch ohn ainiche Verzinsung.) auch Par Zuerlegen: oder do sy es weiters Inhendig Zehaben vnnd Zuegebrauchen gedenkht, ordenlich Zuuergwissen vnnd Zuuer Interessirten: nit weniger auch schuldig sein, die hieoben eingeraumbt Tafern mit nagl vnnd Panndt, auch all annder Grundstügger, an Zimer, Zeünen, Zu hauß dorf vnnd Veld, also stifft vnnd Peilich Zuerhalten. Daran ainicher manngl nit fürkhome oder erscheine, auch auf dem[?] Zeitlich ableiben, in solchen würden vnnd wesenheit, Wie sichs an Yezt ein Pfanngen, Hinderlaß Dabey[?] aber deme wie erzelt nit geleben. wurde sie gebreichtge porgschafft Zelaisten, Zewisen: vnnd gehalten werden p[erge]

Verne mueß die auch Iren schwager Wolfen Mayr, Ires verstorbenen Eruogts Verlaster halßclaider vnnd anndere Mannß Zuegehör einhendigen, vnnd Ruerennde in den 3. Jungen Muetterpferten. ains. darunder er die wahl, daraus Zue stellen p[erge]

Gleichermassen ist Sy vorbesagter Barbara, Ires Eruogts leiblichen Schwestern Ver[...?] Ain Khue wann sie solche begert vnnd abfordert, volgen Zlassen vnnd Zu yberantworten schuldig.

Ebnergestalt solle sy offternante witib, der Madalenna Moserin Zu Vilßhouen. Dabey des abgeleibten wierts. Seligen vnd Irer, im bössen Zuegedennkhen ain Sylberen Glaß. Yberlifen vnd Zuestellen p[erge]

Vnd nachdem auch ain alter Silberpecher, der Gennßdorfer Pecher genant, vor etlichen Jarn, Zur Tafern dem wiert vnd der witib, durch Iren Vattern: vnd schwehern. Hannsen Mair seligen. auf die hochzeit Verehrt worden. soll diser Pecher auf der witib Zeitlich ableiben, neben der Vorauß: erzaigten Tafern vnd Grundstiggern widerumben den Erben haimbfalen vnd Verbleiben, oder do sie wille, ain bössern Verordnen vnnd schaffen.

[17]

Die brieflichen Vrkhunden vmb die Tafern ligennde stugg, gründ vnnd Vischwasser Verlauttent, b[..?] sollen den obenerzelten Erben alß aigenthanbern. Zugehörig sein. Interim aber in ain Aiiches Neugemacht Trühel, mit Zwaien schlössern. darzue die Erben als Wolf Mair wiert Zue Wiertting, vnnd die Vormunnder an stat der Pflegrochter Barbara, Yeder ain Schlißl, auch den Trüchel bey Gericht behalten: vnnd Verwartt werden solle,

Beschließlich vnnd leztlichen, legt auch die wittib, den Erben samentlich, allen Verhanndnen schuldenlass Inuentur, Seelgrät, Todfäll Zue stänndtl, lehenraich, Briefgelt, vnnd alles annders. was in diser werennden stritsach auferloffen, ohn entgellt ab p[erge]

Zeugen

Herr Augustinus obernsperger Pfarrer Zu Reittern, Egidi Neuhouer I.V.C.[87] Fürstlicher Passauerischer Hof: vnnd Consistori Aduocat, Leonhard Widenman Statschreiber Zu Braunau. Lorenz Wierdinger burger daselbst, vnnd Geörg Gänntzeperger Gräfischer Pfleger Zu Dorfpach p[erge] Actum den 23. Marti A[nn]o [1]604.

[38] Schuldtb[rief]

Thoman Häberl Zu Hütting[44] Ruestorfferischer Vnnderthon, enntlehnet von Christophen Panzauner vnnd Hannsen Reschen Zu Munzing[88], als weilennd Christophen Aichinngers Zu Trossing[89] seligen nachgelassnen Vier Khinder, Hanns, Ambroßi. Anna vnnd Maria genant, Verordneten Vormundern Haubtsach. 67 [Gulden] Gültzeit Mitfasten, vnnd Anno [1]605. erste Zinnsung, aufkhindigung ain Viertl Jar daruor. Vnnd Verporgts mit Geörgen Mair Zu Hänriching[90], Sebastian Pachmair Zu Burkharting[61], Adam Schuester Zubemeltem Hänriching vnnd Gabriel Erber Zue Hundhaubten[42], auch Hannsen Ruehamer Zue Rueprechting[82] alle fünf Griespacherlanndt Gerichts, vnuerscheidenlich p[erge]

Testes.

Jacob Tainndl Zu Nidernreittern[43] vnnd Christoph Harter Gastgeb vnnd burger Zu Griespach. A[ctum] den 25. Marti A[nn]o [1]604.

[39] Quittung

Hanns Resch Zue Munzing[88] vnnd Christoph Pannzeinndl Zu Pannzaun, als beede yber weillennt, Christophen Aichingers Zu Trossing[89] [Griesbacher Gerichts] seligen nachgelassnen Vier khider, namens Hannß Ambrosy, Anna vnnd Maria, Verordnete vnd angesezte Vormunder. Quittiern der Pflegkhinnder Stieffuattern, Geörgen Aigner, auf Aichingerguet Zue bemeltem Trossing,

[18]

Was Innen solcher der Pflegpupiln, anerstorben Vätterlich Erbguet so sie beim Aichingerguet Zuersuechen gehebt benentlichen 60 [Gulden] (außer der fürgesezten Trühen vnd Potten, an heut dato erlegt vnnd bezalt hat, deswegen sie Ime quitiren vnnd ledig zellen p[erge]

Testes

Gabriel Erber Zue Hundhaubten [Griesbacher Gericht] vnnd Geörg Häberl Zu Hütting Ruestorfferischer Vnderthon. A[ctum] den 28. Martii A[nn]o 1604.

[40] Quittung

Abraham Rothofer Zu Sulzpach[91]. Tannbergerischer Vnnderthon, quitiert Anndreen Strobel aufm Lehnergüetl Zu Eholfing[92], G[riesbacher] Grichts Das Im solcher die Kaufsuma 300 [Gulden] wegen der bey gemeltem Lehnergüetl, Ybergeben Leibgedings besizung, Varnus[17], Rännt vnd Fännd p[erge] an heüt dato Par ohne abganng, Zu seinen sichern handen erlegt, bezalt vnnd vberanntwortt hat, Deßhalb Er berirten Strobel vnnd seine Erben. allerdinngs auf ewige Zeit, quit ledig loß vnd mießig sagen vnnd zellen thuet p[erge]

Testes.

Geörg Wibmer Zu Karpfhaim[84] vnnd Paulus Paur Zu Parstorn. beede [Griesbacher] G[erichts] A[ctum] 30. Marti A[nn]o [160]4

[41] Schuldbrief.

Leonhard Hueber Zue Hueb[93], Auerischer auf Tobel Vnderthon vnnd Chaterinnasein Hausfrau, neben Irem Anweiser Geörgen Wibmer Zue Karpfheim[84], Enntlehnen von dem würdigen S. Marthins gozhauß Zu Khürcheim, vnnd Bestellten Zechbröbsten, Hannsen Schwarzpaurn Zu Tobelhaim[94] vnnd Wolfen Venus, daselbsten, Haubtsach 50 [Gulden] Gültzeit in den Viertagen, angeender Fasten die aufkhinndigung ain Viertl Jar daruor, vnd Verporgens mit Matheusen Mair Zu Kazhaim[85] vnd Christoffen Enigkhl Zu Eniggl[10] beede [Griesbacher Gerichts] Vnuerschaidenlich, Das weib Verzeicht sich Irer weiblichen Freyheiten vnd heüratlichen gerechtigkheiten p[erge]

Testes.

Daniel Altman Burger Zue Griespach. vnd Wolf Hofer Zu Karpfheim[84]. A[ctum] 30. Marti A[nn]o [1]604.

[42] Schuldtbrief.

Dauidt Moßmüllner auf der Moßmüll[95], gibt Valthin Protschelm vnnd Sebastian Spilperger Zue Spilperg[96], als weillent Christophen Khrenleüttners Zu Khrennleuthen[97]. seligen nachgelassnen 2 Kinder, Stephan. vnnd Christoph, genant, Verordneten Vormundern. ain schuldbrief P[reis] 40 [Gulden] Gültzeit Mittfasten, A[nn]o [1]605 erste Zinnsung, aufsagung ain Viertl Jar, Verporgts mit Sebastian Äschperzhueber Zu Äschperzhueb[98] Griespacher Gerichts, welcher das Vnuerschaidenlich glib ausgeben p[erge]

Testes

Jacon Walthör Hofwiert Zu Münster[5]. vnd Conrad Pigckel Mößner daselbst. A[ctum] den letsten Marti A[nn]o [quarto = 1604]

[19]

[43] Khaufbrief.

Hanns Yelmair Zue Wulfing Griespachergerichts, Verkhaufft vnnd vbergibt, Wolfen Zinnßperger Zu Pokhing, Margaretha seiner ehelichen Hausfrauen vnd Iren Erben. Nemblich alle vnnd Yede Varnus[17]. Rännd vnnd Fänndt, in an vnnd auf dem Lehen oder Viertlpau Zubemeltem Wulfing, das Vetlgüetl genannt ( so mit Rechtem aigenthanb zum Clostern Nicolaj gehörig ist, derohalben demselben an aller Grundtherrschaffts gerechtigkheit Vnuergriffen ) Khaufsumma 193 [Gulden]p[erge]

Testes

Annder Paur Zue Reith[99], vnnd Michael Freidenpauer aufm Freidenstain[100], beede [Griesbacher Gerichts] A[ctum] ut supra.

[44] Quittung

Yezgedachter Hanns Yelmair Zu Wilfing, quitiert, dem obgemelten Wolfen Zinnßperger, vnnd sein Hausfr[auen] Margaretha, auch Ire Erben. Vmb die benanten 193 [Gulden] Khaufsumma, wegen der Ybergebnen vnnd Verkhaufften Varnus[17], Rainnd vnnd Fainnd, beim Vetlgüetl Zu Wulfing, welcher Khaufsumma er Zu völigem benüegen entricht vnnd bezalt worden p[erge]

Zeugen

Vnnd datum wie oben [perge]

[45] Schuldtbrief

Geörg Paur Zu Hart, Rüdenburgerischer vnnderthon, gibt Vhristophen Eniggl aufm Eniggel[10] vnnd Michaeln Hochenaicher Zue Hochenaich[101] alß yberweillent Hannsen Riezs aufm Riez[102] seligen nachgelassnen 3 Khinnder, Stephan, Paulus vnnd Elspet, genant, Verordneten Vormundern, ain schuldbrief P[reis] 20 [Gulden] Fültzeit Zu Mittfasten, vnd A[nn]o 1605 erste Zinnsung Zuerlegen, die aufkhindigung ain Viertl Jar, Verporgts mit Matheusen Wöggerl Khupferschmidt vnnd burger Zu Münster[5] auch Ambrosien Paurn Zu Schönburg[103], vnuerschaidenlich p[erge]

Testes.

Anndre Paur am Reith[99] vnd Michael Freüdenstainer am Freidenstain[100]. A[ctum] den lesten Martii A[nn]o [160]4.

[46] Quittung.

Wolf Lehner Schmid Zue Hueb Pfarrkhürchergerichts, Hanns Lehner Schneider Zue Egglfing, Rüdenburger[ischer] Vnnderthon, vnnd Stephan Lehner Schnizermacher Zu Malching sesshafft, quittiern dem lieben Stiefvattern Stephan Schmidt Paurn Vamern Zu Karpfham, vmb das sie Zu Ime, auf ableiben seiner Hausfr[au] Affra, als Ir der Principäl eheleiblichen Muetter seligen, wegen anerstorbnen Müetterlichen guets: Erbliche Sprüch gehebt, also hat er Innen für solche 26 Gulden] 3 [Schillinge] vnd etlich schlechte Varnus[17], eingehendiget vnd bezalt. daran sie Genüegig sein vnd verbleiben sollen p[erge]

Testes

Christoph Schelnsperger Pierpreu: vnnd Geörg Neuhauser Pader, beede burger Zue Griespach. A[tum] Ersten Aprilis A[nn]o 1604.

[20]

[47] Schuldbrief.

Paulus Paur Zue Weinzierl[104], vurbarsvnnderthonn auf F[ürstlichen] Caten Griespach, gibt dem würdig Vnnser lieben Frauen Gotshauß Zue Karpfheim[84], vnnd desselben Verordneten Zechbrebsten Stephan Riemer Zu Schwaimb[105], vnnd Paulusen Hischenauer Wierth Zu Äfheim[106], ainen schuldbr[ief] p[reis] 30 [Gulden] Gültzeit Trium regum vnnd diß lauffennden 1604 Jars erste Zinnsung, die aufkhindigung ain Viertl Jar daruor, Vnnd verporgts mit Sigmunden Trennckher auf der Trennckh[107], Pienznauerischer Vnderthon, Hannes Hueber Zu Weinzierl[104], [Griesbacher Gerichts] vnnd Stephan Wibmer, des Rats vnnd burgern Zue Griespach, vnnerschaidenlich, was an ainem porgen abern soll beyden anndern widerumben Zuegehn vnd völlig erstatt werden p[erge]

Testes

Bernhard Züllner schlosser, vnd oßwald Waltinger Cramer, beede burger Zu Griespach, A[ctum] Ersten Aprilis A[nn]o [1]604.

[48] Quittung.

Geörg Schiferle Zu Holzhaim> vnnd Sigmund Stökhel in Stokhlänndern[108], beede [Griesbacher Gerichts] für sich selbst, vnnd Innamen aller annderer Glaubiger so Lamprecht Schneider gewester Stengl Zu Piesting[62] welcher sich in österreich begeben, hinder Ime Verlassen, quittiern, Thoman taennzlmair Yezigen Stänngl vmb 180 [Gulden] welche Er Innen Glaubigern, laut vbergabbriefs, der aufm Stämplguet eingehnndigten Varnuß[17] vnd gestifften Jars p[erge] Par erlegt vnnd Zalt hat, Darumben sie Ime an heüt dato guetfrey ledig vnnd loß Zellen thuen.

Testes

Veith Scheichensperger Gerichtsprocurator vnd Hans Wägner in der leütten Zu Griespach Actum den Ersten Aprilis A[nn]o 1604.

[49] Schuldbr[ief].

Wolf Prunlehner Zue Khinndlbach[109], vrabrs vnnderthon auf F[ürstlichen] Casten Griespach entlehnet von Anndren Holzner Zue Holzen bey Wenng[110] 20 [Gulden] haubtsach. Gültzeit letarae vnnd A[nn]o 1605 erste Zinnßung, aufsagung ain Viertl Jar daruor. Vnnd Verporgts mit Adamen Huebersperger Zue Huebersperg[111], Vrbarsvndersess vfn Casten Griespach, vnnd Benedict Nachbern Zue Ambßheim[112] [Griesbacher Gerichts] vnuerschaidenlich

Testes

Wolf Rumel Leinweber vnnd Simon Venus Peckh bede burger Zue Griespach Ac[tum] 5. April A[nn]o [1]604.

[50] Schuldporgschafftbr[ief]

Geörg Kellner Zue Wenng [Griesbacher Gerichts] vnnd Catterina vxor geben Allerglaubigen Seellen Bruederschafft daselbst vnnd anstat derselben, den geordneten Zechbröbsten Hannsen Großauer vnnd Anndreas Holzner bej Wenng, ain schuldb[rief] p[er] 20 [Gulden] Giltzeit Letarae

[21]

vnnd Zue selben zeit A[nn]o 1605 erste Zinnßung, aufkündigung ain Viertl Jar. Stellen Zu vnuerschaidenlichen Porgen vnnd selbstgeltern. Stephan Mair Zue Prun. [Griesbacher Gerichts] vnnd Geörgen Wibmer Zue Vorstern vrbarsvnderthon auf F[ürstlichen] Casten Griespach. welche das glib geben. Obbemelte Caterinna Kellerin Verzeicht sich Irer weiblichen Freihaiten p[erge]

Testes.

Vnnd datum ut supra.

Referenzen

  1. ↑ 1,0 1,1 Osterholzen, Gemeinde Kirchham
  2. ↑ Thierham, Gemeinde Bad Füssing
  3. ↑ Hinterberg, Gemeinde Kirchham
  4. ↑ 4,0 4,1 4,2 Tutting, Gemeinde Kirchham
  5. ↑ 5,0 5,1 5,2 5,3 Rotthalmünster
  6. ↑ 6,0 6,1 Hirla, Gemeinde Rotthalmünster
  7. ↑ Altasbach, Gemeinde Rotthalmünster
  8. ↑ = Invokavit, erster Sonntag der Passionszeit
  9. ↑ Roidenhub, Kirchham
  10. ↑ 10,0 10,1 10,2 Enichl, Gemeinde Rotthalmünster
  11. ↑ Hirting, Gemeinde Rotthalmünster
  12. ↑ Kollnöd, Gemeinde Rotthalmünster
  13. ↑ Teuflöd, Gemeinde Rotthalmünster
  14. ↑ Schätz am Hof, Gemeinde Kirchham
  15. ↑ Kirchham, Landkreis Passau
  16. ↑ Hubreith, Gemeinde Kößlarn
  17. ↑ 17,00 17,01 17,02 17,03 17,04 17,05 17,06 17,07 17,08 17,09 17,10 17,11 17,12 17,13 17,14 17,15 17,16 17,17 = Fahrnis, alle beweglichen Sachen im Gegensatz zu den unbeweglichen
  18. ↑ Würding, Gemeinde Bad Füssing
  19. ↑ 19,0 19,1 Malgertsham, Gemeinde Kößlarn
  20. ↑ 20,0 20,1 Kößlarn
  21. ↑ 21,0 21,1 Wurmstorf, Gemeinde Rotthalmünster
  22. ↑ Weihmörting, Gemeinde Rotthalmünster
  23. ↑ Wiesberg, Gemeinde Rotthalmünster
  24. ↑ Eggenberg, Gemeinde Rotthalmünster
  25. ↑ Kühnham, Gemeinde Pocking
  26. ↑ Brunndobl, Gemeinde Kößlarn
  27. ↑ 27,0 27,1 Andriching, Gemeinde Rotthalmünster
  28. ↑ Ottenberg, Gemeinde Tettenweis
  29. ↑ Herzoglicher Rat Dr. Johann Gabler (1550-1604), der 1593 die Hofmark Ottenberg und Inham übernahm
  30. ↑ Pillham, Gemeinde Ruhstorf an der Rott
  31. ↑ Unterschwärzenbach, Gemeinde Tettenweis
  32. ↑ Oberschwärzenbach, Gemeinde Tettenweis
  33. ↑ Ranzing, Gemeinde Tettenweis
  34. ↑ Untersimbach, Gemeinde Fürstenzell
  35. ↑ Oberreisching, Gemeinde Fürstenzell
  36. ↑ Euling, Gemeinde Ruhstorf an der Rott
  37. ↑ Spitzöd, Gemeinde Fürstenzell
  38. ↑ Engertsham, Fürstenzell
  39. ↑ 39,0 39,1 Hörgertsham, Gemeinde Ruhstorf an der Rott
  40. ↑ Gänshall, Gemeinde Ruhstorf an der Rott
  41. ↑ 41,0 41,1 Berg, Gemeinde Ruhstorf an der Rott
  42. ↑ 42,0 42,1 Hundshaupten, Gemeinde Bad Griesbach
  43. ↑ 43,0 43,1 43,2 43,3 Niederreutern, Gemeinde Bad Griesbach
  44. ↑ 44,0 44,1 44,2 44,3 44,4 Hütting, Gemeinde Ruhstorf an der Rott
  45. ↑ Sprödhub, Gemeinde Tettenweis
  46. ↑ Geroling, Gemeinde Tettenweis
  47. ↑ Ausham, Gemeinde Fürstenzell
  48. ↑ Adlmörting, Gemeinde Bad Griesbach
  49. ↑ Birchau, Gemeinde Bad Griesbach
  50. ↑ Aumühle, Gemeinde Fürstenzell
  51. ↑ Liebenreut, Gemeinde Fürstenzell
  52. ↑ 52,0 52,1 Reisbach, Gemeinde Bad Griesbach
  53. ↑ Hofstetten, Gemeinde Haarbach
  54. ↑ 54,0 54,1 54,2 Endham, Gemeinde Bad Griesbach
  55. ↑ Hasenberg, Gemeinde Bad Birnbach
  56. ↑ Weng, Gemeinde Bad Griesbach
  57. ↑ Lerchen, Gemeinde Haarbach
  58. ↑ Winkl, Gemeinde Haarbach
  59. ↑ 59,0 59,1 Hellham, Gemeinde Rotthalmünster
  60. ↑ Reichertsham, Gemeinde Bad Birnbach
  61. ↑ 61,0 61,1 Burgerding, Gemeinde Tettenweis
  62. ↑ 62,0 62,1 Piesting, Gemeinde Ruhstorf an der Rott
  63. ↑ 63,0 63,1 63,2 Inzing, Gemeinde Pocking
  64. ↑ Hader, Gemeinde Ruhstorf an der Rott
  65. ↑ 65,0 65,1 Oberreith, Gemeinde Ruhstorf an der Rott
  66. ↑ Mittich, Gemeinde Neuhaus am Inn
  67. ↑ 67,0 67,1 Birndorf, Gemeinde Tettenweis
  68. ↑ Schlupfing, Gemeinde Pocking
  69. ↑ Reding, Gemeinde Neuhaus am Inn
  70. ↑ Oberindling, Gemeinde Pocking
  71. ↑ = Gudel, Viertelhof
  72. ↑ 72,0 72,1 Steinbach, Gemeinde Ortenburg
  73. ↑ Irsham, Gemeinde Fürstenzell
  74. ↑ 74,0 74,1 74,2 Aspertsham, Gemeinde Fürstenzell
  75. ↑ Gurlarn, Gemeinde Fürstenzell
  76. ↑ Sieglmühle, Fürstenzell
  77. ↑ Holzstadl, Gemeinde Fürstenzell
  78. ↑ 78,0 78,1 Steinberg, Gemeinde Bayerbach
  79. ↑ Huckenham, Gemeinde Bayerbach
  80. ↑ Dobl, Gemeinde Bayerbach
  81. ↑ Bayerbach, Landkreis Rottal-Inn
  82. ↑ 82,0 82,1 früherer Name von Grund, Gemeinde Ruhstorf an der Rott
  83. ↑ Hausmanning, Gemeinde Ruhstorf an der Rott
  84. ↑ 84,0 84,1 84,2 84,3 84,4 Karpfham, Bad Griesbach
  85. ↑ 85,0 85,1 Katzham, Gemeinde Bad Griesbach
  86. ↑ Penning, Gemeinde Rotthalmünster
  87. ↑ = iuris utriusque consultus "Gelehrter beider Rechte", also des weltlichen und kirchlichen Rechts
  88. ↑ 88,0 88,1 Munzing, Gemeinde Fürstenzell
  89. ↑ 89,0 89,1 Trostling, Gemeinde Ruhstorf an der Rott
  90. ↑ Heinriching, Gemeinde Tettenweis
  91. ↑ Sulzbach am Inn, Gemeinde Ruhstorf an der Rott
  92. ↑ Eholfing, Gemeinde Ruhstorf an der Rott
  93. ↑ Hub, Gemeinde Pocking
  94. ↑ Doblham, Gemeinde Pocking
  95. ↑ Moosmühle, Gemeinde Kößlarn
  96. ↑ Spielberg, Gemeinde Kößlarn
  97. ↑ lag in Pfarrei Kößlarn, vielleicht das heutige Leithen nördlich von Kößlarn
  98. ↑ Aspertshub, Gemeinde Kößlarn
  99. ↑ 99,0 99,1 Reith, Gemeinde Kirchham
  100. ↑ 100,0 100,1 Freudenstein, Gemeinde Kirchham
  101. ↑ Hoheneich, Gemeinde Kirchham
  102. ↑ Riez, Gemeinde Kirchham
  103. ↑ Schönburg, Gemeinde Pocking
  104. ↑ 104,0 104,1 Weinzierl, Stadtteil von Bad Griesbach
  105. ↑ Schwaim, Gemeinde Bad Griesbach
  106. ↑ Afham, Gemeinde Bad Griesbach
  107. ↑ Großtrenk, Gemeinde Bad Griesbach
  108. ↑ Stockland, Gemeinde Ruhstorf an der Rott
  109. ↑ Kindlbach, Gemeinde Bayerbach
  110. ↑ Holzner bei Eden, Gemeinde Bad Griesbach
  111. ↑ Hubersberg, Gemeinde Bad Griesbach
  112. ↑ Amsham, Gemeinde Bad Griesbach
Abgerufen von „https://wiki.genealogy.net/index.php?title=Bad_Griesbach_im_Rottal/Landgericht_Griesbach_Briefprotokolle_1604-1606&oldid=2594311“