Beiträge und Material zur Geschichte der Aachener Patrizier-Familien, 1. Band/011
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [010] |
Nächste Seite>>> [012] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
VI.
1429, nach October.
Minen underdienigen schuldigen dienst ind wat ich mit alre onmodicheit uren kunigligen genaden zu willen vermach. Alre tiefste ind genedichste here. Als uren kunigligen genaden wail vurkomen ist die handelung des nuwen regiments, die etzlige urre kunigliger stat burgere ind ingesessen urs kunigligen stuls van Aiche annomen ind vortgekeirt haint intgain den alden rait der selver urre stat ind over alt herkomen ind lovelige gewoinheit irre privilegien ind vriheiden da bi ure kuniglich stul ind stat ie ind ie bisher alwege wurdenkligen regiert ind gehalden ist worden, da ein deil der selver burgere van boser ingebungen ind mit hulpen ind navolgingen alrehande vreimder uswendiger lude vast viel unredeliger ind unlideliger ordenungen ind gesetze mit upleuffingen ind gedrange vur sich naemen ind mit der selven urre kunigliger stat mit dem alden raide ind mit der guder burgarschaff also umbgiengen, dat zo ersien was ur kuniglich stul ind stat da bi zomoil vernielt ind vergenklich zo werden, als ich verstaen dat uren kunigligen genaden dat ouch wail verkundiget ist worden ind wat geschichte sich alda darumb erlauffen haint. ind want ure kuniglige genade mir duck geschreven hait ure stat van Aiche truwelich zo beschudden, zo beschirmen ind zo verantwerden ind mir die selve stat ouch brieve hait laissen sien da ure kuniglige genade geschreven ind bevailen, die boese regiment af zo doen as die boese lude opgesat hadden, die doch in deme gronde sich ervonden haint dat ure eirbere burgere van Aiche [1] darumb umb ire lif ind guit geweest hedden as verre die sachen vortgank gehat hedden, so hain ich uren kunigligen genaden zo eren ind urte genaden brieve vol zu doin den eirberen burgeren van Aiche histendich geweest umb ure kuniglige stul ind stat ind die selve ure gude burgerschaf bi ire vriheide ind alden herkomen zo bliven, deme heilgen riche zo eren umb zo verhueden dat die niet zo verderfflicheit braicht en wurden. Ind hain daromme ich ind mine frunde onse lif ind guit gewaicht, dat wail lantkundich ist, die bose ind nuwe regimenten af zo doin, ind en hain doch niemant niet da genomen, dan wir onsen pennink guitlich verzert ind wail bezailt haven. Ind of urre kunigliger genaden ied anders anbraicht were of wurde, dair soulde ure genade ure eirber stat ind mich onschuldich in vinden ind datz kenlige noit ind mit willen der
- ↑ Ueber der Zeile nachgetragen: va 4; letzteres Zeichen bedeutet offenbar den Stadtnamen.