Beiträge und Material zur Geschichte der Aachener Patrizier-Familien, 1. Band/014
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [013] |
Nächste Seite>>> [015] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
unse stat ind burgere darbi zo meirre verderfflicheit zo komen ind die lenge aldae zomail vernielt zo werden, ind en wolden nie ansien noch bedenken den groissen last ind achterdeil, die unser stede ind burgeren daromb zitligs anquam ind dat gude lude ire handelunge ind mallich sine narunge daromb binnen unser stat schuweden zo doin, des uns ind unser guder burgerschaff niet langer zo liden en stoende ind besonder nae schrifft ind brieven des alredurluchtichsten fursten unsers alregenedichsten heren, des Roemschen &c. kunigs, deme die sachen vurkomen waeren, der wir doch den upleufferen ind iren medevolgeren nie offenbaeren en dorsten umb dat wir ind unse gude burgere versorgden, dat si ons dan overvallen ind erslagen hetten ind sulge moeterie gemaicht, dat si uns durch unse huiser gelouffen ind dat unse genomen hetten als dat kuntlich zo ersien was, want id den meisten deil snoide vreimde lude waren, die alwege in den sachen dat meiste gerucht ind bedriff hatten ind haven wolden, derre ein in den handelungen gericht wart umb eins mordtz wille, den he dede an einre vrauwen sinre neister naeberssen umb irre haven wille, die he ire nam, de ghiede ind darin starff dat he ind etzlige anderen einen upsatze ind uplouff gemaicht dat si unser stede huiss ingenomen ind alle die ghiene, die unser zo deme huise gesonnen hetten erslagen ind unser ein deils gevangen gehalden wolden haven bis aslange dat unse beirde ons zen gurdel zu gewassen weren ind unse have genomen ind damede ire gadunge gedaen hetten, so dat ons ind unsen guden burgeren in sulger treffliger noit ind mortanxte niet langer zo bliven en stoende umb groisser verderfflicheit, last ind schaden wille, die ons darbi zokomende ind mannich guit burger was de sich daromb onser stede affhendich machen wolde. Ind haint daromme mit hulpen ind bistande etzliger unser geuediger heren ind ouch mit willen ind guitdunken unser guder burgerschaff, umb sulge unmesige verderffiicheit zo wiederstaen ind unse stat ind burgere bi onsen Privilegien ind vriheiden zo halden, etzlige onser burgere ind onderseessen, die sulge hantierunge, uplouffe ind onwillen vortgekeirt ind gehandelt haint, daromb angegriffen, die wir as verre ondersoicht ind bevonden haven, dat wir over der ein deil daromme haint doin richten, die gegiet haven ind darin gestorven sint, dat Goidert vamme Eichorn ind Proist Buter si zogemaicht ind in zogesacht gehat haint dat si vrilich annemen unser stede regiment ind sulge handelinge understaen want si ire heufftlude danaff sin soilden, daromb etzlige anderen, die der sachen ind hantierungen mit in anhever geweist haven, vurvluchtich worden sint. Ind wolden dat ir ind alle gude lude wisten mit wat unredeligen willen ind gedrange Goidert vamme