Beiträge zur Genealogie der adligen Geschlechter 1 (Strange)/071

mit dusent ouerlenschen gulden affgeloist werden na lude der verschryuoncgen mir dar ouer vurder gegeuen is Vort sall mir Diderich van Palant van vnser vurs. erfschaff zogehoeren ind blyuen, dat slos Wildenberch mit der heirlicheit lande ind gerychten hoege ind neder mit alle syme zobehoere Ind dar zo sall ich hauen dat deyll der heirlicheit stat ind kirspels van Dailen mit schetzincgen scheffen ind gerychte mit peichten zynsen hoynren ind alle yrme zobehoere also as vnse alderen ind vurvaren da gehadt hauen mit den zien par korns zo Graenbusch mit zien malder roggen zo Wanloe Mit den seuendehalf malder maltz die van altz zo Dailen gehoirt hauen Item sall ich ouch hauen die kornghulde zo Duren as die ouch van aldtz zo Palant gehoirt hait Item die pechtincge des hoifs van Ruyrdorp die sich drayt vp zwey ind seuenzych malder roggen mit der hoifstat mit den capuynen dar zo gehoerende Ind sall ouch hauen die vunfindveirtzych Rynsche gulden an dem dorpe zo Setterich Vort sall mir Johanne von Palant van vnser vurs. erfschaff zogehoeren ind blyuen dat slos Noitberge Ind dat ouerste huys zo Kyntzwylre mit der heirlicheit mit den hoyuen artlande busschen beynden moelen peichten capuynen hoynren ind pennyncksgelde ind mit allen yren rechten ind zobehoere Ind dar zo sall ich hauen den hoff ind dat deyll der heirlicheit ind gerychts hoege ind neder zo Wyswylre dat myn vader dem got gnade weder die bastard van Guilche gegoulden hadde, dat doch nu vortan vry van der manschaf zo Palant syn ind blyuen sall Mit dem artlande peichten schetzincgen kurmeden capuynen hoynren ind pennyncksgelde ind mit alle syme zobehoere Doch sall ich Johan hynaf vysrychten ind betzalen dem elter preister der sent Johans elter midden in der kirchen zo Wyswylre besyngt so vyll korns as myn vader selige daran gekeirt hait Ind daromb sall mir die gyft des elters vurs. erflich zogehoeren Ind ich en sall an der moelen zo Wyswylre nyet me paichts van dis Hoifs wegen hauen dan veir malder ind vunftzien veirdell roggen Item sall ich hauen den toll zo den Heysteren den Kamerbusch gelegen tusschen Wyswylre ind der Wyee die vunf ind tzwentzich marck eesch (aix) zo Entfelt den paicht zo Noitberge

---