Beiträge zur Genealogie der adligen Geschlechter 1 (Strange)/084
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| Heft 1 | 2 3 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [083] |
Nächste Seite>>> [085] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
heredes, dabunt et persoluent nobis et Monasterio nostro predicto, annis singulis perpetue Dominica post diem beati martini episcopi hiemalis de orto memorato, Dantes sepedicto militi et suis heredibus, has litteras cum Sigillo nostri Conuentus Sigillatas, in premissorum testimonium et perpetuam firmitatem, Datum Anno domini M. CCC. Tricesimo primo, In vigilia beati Gregorii pape
Zweite Urkunde vom J. 1334.
Ich Johan Walpode der Rittere van Andernache, dun kunt allen luden, dye dyesin brief sient, vnde horent lesen, Dye vyere Aymen wynguldin, dye ich vergoldin han vmbe Eruekin van hulenberg, vnde vmbe Metzin sin elich wif, vf Ir gut, dat herna geschrieuen steyt, dat sint Ir vier stucke wyngartz, der zwey stucke gelegin sint vf deme Mengweder by Jacob stouenrockis wyngarte de ouch al da gelegin is, dat dritte stucke is gelegin vf grauerin da dat Cruce Inne stunt, dat vyerte stucke is gelegin In der Lyndegassen, vnde vf Ir wyese bit[1] boumen vnde bit wyden so wye si gelegin is, vnde vff ir half hus, zu hulenberg, dat ich dye selue vyer Aymen wynguldin Elsen hunoltz myner swegerin Clusenerse zu sente petre buszin Andernachir muren, gegeuen hain, vnde vf gedrain hain alse lange so si leuet, vnde sal dye selue vier Aymen wynguldin alre Jarlichs zu heruiste alse lange so si leuet nemyn vnde vf heuen, Ayne alreleye wyddirspruchin, vnde na Irme doyde so sulen dye vorgesprochene vier Aymen wynguldin an mich, oue an myne Eruen wydder vallen los vnde ledich, Dyse dinc sint geschiet vur dyesin vrkuntz luden, heynrich Greusin deme Scholteyszen zu veltkirchen, Iffert labin, Johan manart, Gobele Cramgassin eydeme, Meffert Meytscheytz eydeme, vnde Conrait fabelere, vnde andir berue lude, vnde vmbe dat dyese dinc stede vnde veste sin, So han ich gebedin den Edelin man, mynen Juncherrin willem van brunesberg herre zu Isenburg, dat he des zu eyme vrkunde sin Ingesigel an dyesin brief gehangin hait. Des Jhen ich willem herre zu Isenburg vorgenant, daz dat wair ist, Dyz brief wart gegeuen In deme Jare du man zalte van Godis geburte druzenhundert Jar vnde vier vnd drissich Jar. Des Dynstaygis vur sente vrbanis dayge.
- ↑ bit soviel wie mit.