Beiträge zur Genealogie der adligen Geschlechter 1 (Strange)/086
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| Heft 1 | 2 3 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [085] |
Nächste Seite>>> [087] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
Henne Mol Goitgin syn elich wyff Arnult van Eych Cointzge van Zudendorff Grete syn elich wyff Gyselbricht Zunz vnd Styne syn elich wyff Burgere zo Andernache wir dun kunt allen luden vnd bekennen mit halme vnd mit mond uffincliche yn dyszme breue dat wir samentlichen intfangen hain vmbe den vesten ind strengen Ritteren heren Syfryden Walpoden van Bassenheim vnd syne eruen Alsulche yre wyngarten In Andernacher marcken geleigen dye herna beschr. steint zwoilff Jaire lanck neist na eynandere volgende datum dys breiffs yecklich Jaire vmbe dat drittedeil so wye dat vff den seluen wyngarten vellich ist In (ind) wir ensoillen dye niet angryfen zo leissen ayne byweissen yrre wyndelboden vnd In as vort dat drittedeil leueren vff vnsse anxst kost vnd verlust zo Andernache yn yr kelterhuys Weilche wyngarten wir vnder vns gedeilt hain Also dat ich Henne Wyrich vurs. zo myme deille zo machen hain eynen veirtdel wyngartz uff dem Airssberge anderhalff vertil an dem Renweige dry pyntten uff dem Gyrberge Heyntze Eselere ey halff veirtil vnden an dem Gyrssberge Frederich van Eych anderhalff veirtdeil an dem Renweige eyn halff veirtdeil yn dem cleynen floire Henne Laufferyze anderhalff vertil an dem kirchacker eyn halff vertil an dem Gyrssberge Henne Mol eyn vertdil hinder dem Cloister eyn halft vertil yn dem Bodem Arnult van Eych eyn vertdeil hinder dem Cloister eyn halff vertdeil an dem hongerburne[1] Contzge van Zudendorff eyn vertdeil hinder dem Cloister eyn vertdeil vff dem Girssberge eyn vertil vff dem Dyche Gyselbricht eynen halffen morgen vff dem Gyrssberge Also vnd mit sulchen vurwerten dat wir dye vurs. wyngarten dye vurs. deilonge mellich (mallich) syne dye vurs. Jairzalen vz behalden sal Ind dye yn keyne andere hende wenden noch auch nyet vortere versplysen vnder syne eruen dan sy yeme gevallent sint Id en sy dan mit willen ind gehencknisse heren Syfrytz vurs. oder synre eruen Ind wir oder vnsse eruen soillen auch dye vurs. Jairzalen vz vnsser yeckelicher syne deilonge dez vurs. erues In rechter guder buonge halden mit alre guder zytlicher arbeide as dar zo Ind zo gudem
- ↑ In Weingarts-Registern späterer Zeit fand ich den Arssberg wieder; aber der Girssberg schien sich in einen Geissberg verwandelt zu haben. Neben andern Oertlichkeiten war auch Meldung von einer Wolfskaul; aber nirgends von dem hongerburne.