Beiträge zur Genealogie der adligen Geschlechter 1 (Strange)/088

zu Andernache don kunt allen luden vnd getzugen vffencliche in dyseme brieue dat In geynworticheit Johan schudeynst dez vndern scholtissen zu Andernache zu der zyt Otte walpoden van Bassenheim fryonge gescheit is alle der gude dy Johans van hademair seliche gelaissen het gelegin bynnen Andernache vnd in Andernacher marcken vnd der vurs. Otte dat vervrkunt Iu geynworticheit dez vurs. vndern scholtissen as dat recht waz In vrkunde vnd gezuge dyser vurs. dinge han wir scheffen vurs. vnse Inges, an dysen breiff gehangen Datum Anno domini Millesimo Quadringentesimo Quinquagesimo secundo feria quinta post dominicam quasimodogeniti

Sechste Urkunde vom J. 1453.

      Ich Johan slinde vnd Heyntz oirmuntzer der vassbender burgere zo andernach wir doin kunt allen luden ind bekennen mit halme vnd mit monde ouermitz dysen brieff vur vns vnd alle vnse eruen dat wir Intphangen han vnd Intphien ouermitz dysen brieff vmb den vesten Joncker otte walpoden van bassenheym etzlich syne wyngart so wie vnd wa die glegin synt in andernacher gerecht vnd mercken tzien Jair lanck nyest na eynander volgende na datum dys brieffs vnd sullen an gain uff hude datum dys brieffs alle Jair vmb halff wat van druben in den vurs. wyngarten weest vnd sullen in die leueren vur die wyngart in ere bode vnd wir sullen sulche vurs. wyngart sament vnd yeclichen besonder ussmisten vnd sulchen mist sal vns Joncker otte oder syne eruen geuen vnde leueren uff ere kost vur yeclichen wyngart ind dan sullen wir sulchen mist in drain ind by legen ind bereyden as gewenlichen ist sonder argelist Vch sal vns der vurs. Joncker otte oder syn eruen alle Jair zo yedem morgen wyngartz geuen tzwey hondert rame vnd die leueren vur die wyngart vnde zo alle den wyngarten dry burden wyden vnd wir oder vnse eruen sullen die wyngart Jairs zo yeclicher zyt as sich geburt snyden sticken grauen lauben gurten beugen ind bereyden as man dan zo andernach guede wyngart zo arbeden ind zo bereyden pleet sonder alle argelist Vch sullen wir oder vnse eruen alle Jair in den vurs. wyngarten in yedem morgen vier hondert ende proffen ind die wyngart mit stoecken vnd enden besetzen ind bereyden as dan in andernacher mercken guede wyngart geprofft besat vnd gemacht