Beiträge zur Genealogie der adligen Geschlechter 2 (Strange)/134
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [133] |
Nächste Seite>>> [135] |
| |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
noch tzheyn dan dat glych verdadingen ind daby ind dartzo gehalden werden, ayn alle geuerde Ind sall alsus geschien Ind in allem guden stainde blyuen, bis zo der tzyt ind Jaeren dat Coen van Eynenberg Her Johans ind frauwen yrmgart eligen Son viertzien Jair alt is, als dan van stont sonder vertrackt sullen die selue Coen ind Margreta elude zo der hilger Eeschafft vortfaeren ind geendt werden, als sich dat heischt ind geburt, off gevoegt sich ye zo geschien van Conen wasdom ind gestalt sall ouch vollenbracht werden, vnder wilkur ind penen na begriff eyns besunderen Burgen besegelden brieffs darouer gemacht ind verraympt is, In dem als got der Heren dat verhenget Coen ind Margriet dat zo beiden syden erleuent, dar sy got der Heren gnedicligen ynne fristen wille, dan off got der Here sinen willen mit Conen dede, ind zo sich van deser erden neme, ind wederumb verhengde dat me mansgeburt van Her Johan ind frauwen yrmgart geschaffen erwelt wurden die eldste davan sall in Coenen stat dis Hylichs stain ind gehalden werden vnder allen penen wilkur Coen verbunden is geweist, In dem die mansgeburt bequeme were, na gestalt syner ind ouch off sich mit der mans personen vertzoege ind zo spade byqueme, dat die frunde zo beiden syden beduchten neit bequemelich en were, der Junfferen Margreten darna zo warden, sall asdan aue syn ind yeder parthye deshaluen vry ind ledich davan stain, ind blyuen als sich geburt, Ind off Heren Johan ind vrauwe yrmgart van yn zo samen elige geburt queme, Ind Coen yre Son ind Margreten leuendich bleuen, des yn got der Here zo yrrer beider walfart gönnen mois, ind mansgeburt were, So sall Coen mit den vurg. Heirlicheiden Slossen ind erffschafft wie dat vurercliert steit, damit affbestait syn, ind bliuen, Ind wes Her Johan ind vrauwe yrmgart me hedden, off erweruen mochten, Sullen die na mansgeburt hauen ind behalden zo yrem besten stain ind komen als sich dat van rechtz wegen eygt vnhynderlich deser Hylichsvurwerden in yrrer macht zo bliuen, ind gehalden zo werden Ind gnoich zo syn, in allem begriff vur ind na in desem brieue, dan weren dat Doichter ind geyn mansgeburt, So sall Coen by allen Heirlicheiden Drynborn ind aller erffschafft die Her Johan ind frauwe yrmgart ytzont hauen in yrem gebruch off wardende synt, wie Sy dat hauen off an komen mochten, pantschafft