Beiträge zur Genealogie der adligen Geschlechter 3 (Strange)/044
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [043] |
Nächste Seite>>> [045] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
So hait Johan vurs. vns dar vp synen Eydt gedain, as sich dat gebuert in maissen vurs. Ind hait geloift by deme seluen syme eyde Alle vurs. punten vast ind stede zo halden Sunder Argelist Beheltnysse doch mallich syns rechten in der vadyen vurs. ind yrme zobehoere Ind darvmb so gebieden ind gesynnen wir proist dechen ind gemeyne Capittel der kirchen sent margreden vurs. vch Scheffenen ind Schoultis des vurs. vnses dorps ind heirlicheyt zo Vlamersheim Ind vort allen den ghenen die vnss ind vnser kirchen vurs. verbunden synt off sullen syn mit eyden off geloefden in die vadye vurs. deme egenanten Johanne gehoirsam zo syn As eyme vayde ind anders nyemantz van vnsen wegen so wie sich dat gebuert syn leuenlanck Ind wir bidden vort alle aneruen des vurg. waildz ind die Recht dar zo haynt, dat sy deme seluen Johanne vnssme vade behulplich ind bystendich willen syn zo vnsme Rechten vmb uch ind vns allesament vnse erffschafft zo behalden, Dis zo vrkunde der wairheyt ind gantzer stedicheyt hain wir Walraue Proist Dederich Dechen ind gemeyne Capittel vurgen. vnse Segele an desen brieff gehangen wilchs vnses Capittels Sigel genant is ad causas Datum Anno domini millesimo quadringentesimo vicesimo tercio die vicesima sexta mensis marcii
2. Revers des Klosters Reichstein, betreffend das Jahrgedächtniss der Ehegatten Richard Hurth von Schoeneck Ritter und Elisabeth von Burtscheid, v. J. 1380.
Wir Else hurte Meisterse Marie priorse Nese Supprierse Ind gemeyne Conuent des Cloisters van Rychwynsteine ordins van premonstrenser gelegen in deme gestichte van Coellen doin kunt allen luden, want her Rychart hurte van Schonecken Ritter deme got genaiden, Inde vrouwe Else van burscheitz sine elige gesellinne was, vns ind vnsem Conuent yre ailmuissen decke ind mennichwerf miltlichen gegeuen haint Ind vns ind vnsem Conuent mencherley vruntschaf ind gunst gezount gedain ind bewyst haint Ind vrouwe Else vurs. vns noch vort doin ind bewysen mach, So kennen wir offenbeirlichen mit diesen brieue dat wir schuldich sind Ind geloeft hauen in guden truwen, des vurs. hern Rychartz hurten deme got genaide in heyl synre selen Ind vrouwe Elsen vurs. in eren leuenden lyue ind na yrre doit in heyl yrre selen, alle Joir, erflichen