Beiträge zur Genealogie der adligen Geschlechter 3 (Strange)/069
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [068] |
Nächste Seite>>> [070] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
Johan van Kesselstat ziehen malder euen mit hondert gulden an mich luesen vsz dem vurs. zeinden Item ist auch beredt das Bernhart vnd Margrete na dode des vurs. Johans van Kesselstat vnd Katrinen vam Steine sinre elicher huszfrauwen zu rechtem hillichs gude zu vurentz vsz zu desen vurs. guteren han sollen funffhondert gulden vnd sullen dan stain zu irer deillonge an allen Johans vnd Katrinen na gelaissen guteren na lantrecht Vnd Bernhart sal diese vurs. guter mit alle irem rechtem in vnd zubehore clein vnd groisze hie Inne benant ader vnbenant han vnd dar mit doin vnd laissen brechen vnd butzen as mit andern sinen eigenen guteren sonder allen Indrach in keyne wysz Item ist fort beredt das der vurgenante Bernhart an die egenante Margrete brengen sall alle sin gut eirbschafft pantschafft gereit vnd vngereit so wie yme dat dan van sinem vader vnd moder zugedeilt vnd geben ist Dan usz sunderlichen vertedinckt ist abe sache were das der obgenante Bernhart ee abelyffich wurde dan die vurs. Margrete mit lyffsgeboirt van in beiden geschaffen ader sonder lyffsgeboirt So sal die vurs. Margrete usz den guteren zu rechtem wiedomme han sulche zwey burchhuser zu Munstereneyffel mit irem zubehore Item den groissen hoff zu Entzen mit allem sinem zubehore usz vnd in dienet derselbe Jaeres funfftzich malder korn funff malder weissen vnd XXV malder Euen Item der zeinde zu Tontdoirff mit sime zubehore dienet Jaeres veirtzich malder haueren Item eyn foder wintz uszter sinen win rentten zu Briedel Item ist fort beredt abe dese vurs. elude Bernhart vnd Margrete eynt ee abelyffich wurde dan das ander das got lange verhueden wille vnd keyne lyffs erben van in beiden geschaffen na liessen So sall dan das leste lebendich blyfft van hin, behalden dese vurs. guter vnd wiedomme so wat der dan noch were sin leben lanck, vnd na des lesten dode Id sy dan eirbschafft ader pantschafft sal fallen na lantrecht Da Inne sunderlich mit verscheiden ist abe Bernhart doitz halben ee abegeinge dan Margrete vnd geboirt van in beiden geschaffen aichter liesse ader sonder geboirt, vnd die pantschafft zu Bettingen mit sime zubehore na lude der brieffe vnd Siegel dar uber gemacht abegeloist wurde So sal Margrete vurg. van stont an schuldich sin dat gelt mit rade der frunde zu beiden syten zu belegen an eirffrentte zu behoiff der kinde van in beiden geschaffen abe der