Beiträge zur Genealogie der adligen Geschlechter 3 (Strange)/079
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [078] |
Nächste Seite>>> [080] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
dat myt all syme zu ind Ingehore gelegen is Ind dar tzo eyne bescheydene redeliche Summe geltz die vnss tzo vnssen gueden willen oirber ind nutze van den vurs. Eluden genslichen ind zu maille an eynre gantzer alinger Summen guetlich ind waill betzalt is myt namen zwey dusent ind nuynhondert koiffmans gulden zwentzich wysspennynge Colchss paymentz vur yghlichen gulden gerechent Alsoe dat wyr vnss des van yn bedancken Ind dair vmb soe hauen wyr sementlich vur vns ind vnsse Eruen an deme gemeynen Mangerichte vns gnedigen lieuen heren van Guylgh ind van dem Berghe Ind vur synre gnaden mannen an den enden ind steden dae sich dat zu Rechte geburt vp dat vurs. huyss hoff Erue ind guet Marckgraeschafft ind wyltbant Ind all syn zu ind Ingehore gensslich ind lutterlich vertzegen des vyssgegangen ind dat voirt vpgedragen ind vns ind vnsse Eruen dae van vnterfft ind vntguedt myt Monde hande ind halme alss man Erffs ind guetz zu vertzyen vyss zu gain vp zu draghen ind sich zu vnteruen plecht Ind vertzyen vyssgain ind enteruen vns oeuermytz dissen seluen brieff myt alle deme Rechten ind in all der wysen voegen ind manyren Soe wye wyr dat billichen doyn sollen Erfflichen ind zu den ewigen dagen in ind zu henden der vurs. Elude heren Ailffs ind vrauwe Metzgyns ind yere Eruen Ind wyr geloeuen voirt vur vns ind vnsse Eruen den Egenanten Eluden ind yeren Eruen des vurs. huyss hoiffs Erffs ind gueds Rechte Erffschaft ind wairschafft zu doyn nae Rechte ind gewoinden des lantz van dem Berghe Ind alle Rechte ansprache aff zu doyn an all den enden ind steden dair yn des noyt geboirt ain all geveirde Ind wer sache dat den vurs. Eluden yn eynchen zu kommenden tzyden noyt geboirde des vurs. Erffs ind guetz eyn deill off all zu verdadingen Soe sollen wyr dair zu verbunden syn dat wyr zu gesynnen der vurs. Elude off yere Eruen by sey komen sollen Ind yn ir behoyff dat helffen verdadingen gelicher wys off wyr dat noch an vnssen henden hedden Ind vns selues angynge vp der vurs. Elude ind yere Eruen kost ind schaden Ouch soe hauen wyr in dyssen vurs. Buytkoiffe beleifft ind oeuergegeuen Belieuen ind oeuergeuen myt macht dys brieffs off sache were dat eynnich Erue guet Rente off heirlicheyt zu Elner verkoifft verpandt off versat were dat weder zu gelden off zu erkrygen off zu loesen stonden dat dye vurs.