Beiträge zur Genealogie der adligen Geschlechter 5 (Strange)/123
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 4 | Heft 5 | 6 7 8 9 10 11 12 | |
| Glossar | |
| <<<Vorherige Seite [122] |
Nächste Seite>>> [124] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
brieue darouer versegelt sprechend ind gegeuen clairlich inne haldend synt, So bekennen wir Jonggreue zo Moirse &. vurgenant dat wir sulche vurgerorte vnss vaders schoult vnss selffs schoult gemacht, vp vns geladen ind ouch vns zo handen des egenanten Heynrichs ind syner eruen, Sy da van zo ledigen zo quyten ind gantz schadeloys zo halden verbunden hain, Machen laden ind verbinden vns vestlich vur vns vnse eruen ind nakomlinge ouermidz desen brieff, Ind hain dair vmb gelaifft ind geloyuen in guden waeren truwen ind gelouben vur vns vnse eruen ind nakomlinge ouermidz desen brieff, den vurs. Heynrich ind syne eruen van der vurs. semptlicher schoult verschryuongen ind verbuntenissen Ind dair zu mit van allen ind yecklichen costen schaiden ind achterdeille Sy da van hetten deden ader leden gutlich zo vntheuen waill zo quyten ind gentzlich schadeloys zo halden gelych ind in aller maissen vnse vader vurgenant sich des in synen schadeloys brieuen dem vurs. Heinrich darouer gegeuen verschreuen ind versegelt hait Allit sunder argelist ind geuerde Ind dis zo Vrkunde der wairheit ind gantzer vaster stedicheit hain wir Dederich Jonggreue zo Moirse ind zo Sarwerden vurg. vnse Segell an desen brieff doin hangen Ind dair zu zo noch merre sicherheit vnsen namen mit vnsselffs hant her vnden an ende dis brieffs geschreuen, Gegeuen im Jaere vnss herren Duysent vyrhondert Nuyn ind seuentzich up Donrestach vnser lieuer ffrauwen aeuent visitacionis
- Dederich Jonge greue zo Morsse &.
14. Johann Herzog zu Jülich und Berg belehnt Diederich von Mirbach mit zehn alten Schilden zu erheben zu Euskirchen, mit dem Hofe zu Feusdorf, mit Haus und Hof zu Münstereifel, mit der Kirchengifft zu Marmagen und dazu gehörenden fünfzehn Morgen Land, mit dem Hofe zu Schwerfen und dem Hof zu Alderode im Amte Grevenbroich gelegen, im J. 1512.
Wir Johan van gotz genaden Alste Son zu Cleue Herzouch zu Guylge zu dem Berge Graue zu der Marcke zu Rauensberg ind zu katzenelnboigen &. doin kunt ind bekennen offentlich mit desem brieue vur vns vnse Eruen ind Nakoemelingen dat wir Dederich van Mirbach mit alsulchen zien alden schilden Erffburchlehens he Jairlichs an vnsen Renthen zu Eusskirchen geldens ind vallens hait, mit hondert der seluer Schilde affzuloessen,