Genealogie der Herren und Freiherren von Bongart/097
| GenWiki - Digitale Bibliothek | |
|---|---|
| Genealogie der Herren und Freiherren von Bongart | |
| Inhalt | |
| <<<Vorherige Seite [096] |
Nächste Seite>>> [098] |
 | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
gehoert neit vysgescheiden, as vur die dru dusent alde guldene schilde scholt vurs. Also dat de vurs. her Goedert here zer Heyden dese vurs. onse goide ind dorpere mit iren zobehoeren wie vurschreuen is sine leefdage ind neit langer Innehauen halden ind besitzen sal vur die drudusent schilde vurs. Ind dae mit brechen ind boessen beuelen ind gebeden as mit sime eygenen goide Ind nae dode desseluen hern Goedartz van der Heiden asdan solen die vurs. vnsse goide ind dorpere mit allen iren zobehoeren los ind ledich wederumb an vns Hertzogen van Guilge ind an vnse eruen comen ind eruallen syn sonder eynich gelt dar vur zo geuen [1] Ind sonder eynche hindernisse of argelist dar in zo keren van sinen eruen of van eman anders van sinen wegen Vortme is gevurwert diewyle ind aslange dese vurs. vnse goide ind dorpere staen solen in hant hern Goedartz van der Heyden dat wir Hertzoge vurs. truwelich verwaren willen ind solen, dat an die selue goide ind dorpere egeyn schade en sal gekeirt werden vz vnsen slossen ind landen van Guilge noch weder dar in Ind solen ouch die selue goide ind .dorpere beschyrmen ind beschudden mit alle onser macht gelich andern onss selfs lande ind goide Ind weirt sache dat die seluen goide ind dorpere of die lude dar van vmb eynghe sache gewoist gebrant gevan-gen geslagen geschediget of gedyliet wurden die wyle ind zyt de vurs. her Goedert van der Heyden leuen sal, dat darumb wir Hertzoge van Guilge noch neman anders van onsen wegen hern Goedert van der Heyden vurs. noch den sinen neit heysschen noch yn darumb zo sprechen solen Vortme is gevurwert dat in deser vurs. versetzingen der goide ind dorpere vurs. wir Hertzoge van Guilge behalden vns alle vnse beende zo Willemsteyne gehoerende die vp beiden siden der Wurm gelegen sint, Also dat her Goedart vurs. ind die syne sich der neit vnderwynden en solen, Ind behalden ouch hern Reynarde dem heren van Schoenuorst vp dem goide van Schonauwe
- ↑ In der Pfandverschreibung für Johann von Gronsfeld v. J. 1374 heisst es also: »sonder eynich ander gelt scholt schaden heyschynge off vorderynghe dartzo zo slaen off dae van zo heygehen«.