Nachrichten über Adelige Familien und Güter - 1/107
| GenWiki - Digitale Bibliothek | |
|---|---|
| Nachrichten über Adelige Familien und Güter | |
| 1. Heft | 2. Heft | |
| Inhalt des 1. Heftes | |
| <<<Vorherige Seite [106] |
Nächste Seite>>> [108] |
| |
| korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
Urkunden.
1. Erbtheilung zwischen den Gebrüdern Johan, Rutger und Bernhard von Aldenbrüggen genannt von Velmerckem, v. J. 1447.
Wir Johan Rutger ind Bernt van Aldenbruggen genant van Velmerkem gebroder Bekennen in desem offenen brieue dat wir guetlich ind lieflich ouermitz eyne broder deylinge ons verlichen ind gescheiden hauen, So wat dat eyn yechlich van ons of van ousen rechten eruen hauen ind behalden sal na ons vaders dode In alre maissen as her na geschreuen steit So sullen Johan ofte syne rechte eruen hauen Velmerkem myt al syme zobehoir, den hoff zo Noirphe myt syme zobehoir, den hoff zo Aldenbruggen myt syme zobehoir Ind vort dye vaeghdie zo Nyuenem mit oerre gulden ind leynluden Ind dye leynlude zo Rosellen mit oerem haefsgedynge, ende dye Beenden vp deme Vlenraede Ind dat Manleyn zo Zoens Ind dar vmme so sullen Johan of syne eruen vnse suster Beatrix zo Genadendail vysrichten ind vernoghen van oerre yairlycher Renten gelych as vr die van onsen alderen bewyst is Vnde weir saiche dat Johan ons broder afliuich wurde sunder blyuende geburt, so sal syn erue ind guet vallen ind komen na Inhalde des Hilixbriefs de eme gemaicht ind gegeuen is van onsem vader ind onsen vrunden Vort so sulle wir Rutger ind Bernt gebroder vurg. off ons rechte eruen hauen al die guede in deem Lande van deem Berge gelegen wie die onse vader gehat hait, Mit namen den hof zo Meygen mit syme zobehoir, den hoff zo Capellen mit syme zobehoir, den hoff zo Hellendail mit syme zobehoir Ind dat guet zo Merbick Ind vort dye guede yn deem Lande van Wassenberch, Mit namen den hof zo Vphoeuen mit al syme zobehoir, dat guet zo Vndereycken mit syme zobehoir, so wie dat Johan ons broder dat gegulden ind geworuen hait Ind vort die renten ind dat guet zo Beecke, vort dat guet zo Lynne mit al syme zobehoir so wie dat ons vader dat gehat hait Ind vort dat guet zo Karst mit syme zobehoir Ind den hoff zo Dyrkem mit syme zobehoir Ind dye Nusboeme zo Dyrkem gehorende sullen keren an dem Nyenweghe Ind ydghen onse