Nachrichten über Adelige Familien und Güter - 1/110
| GenWiki - Digitale Bibliothek | |
|---|---|
| Nachrichten über Adelige Familien und Güter | |
| 1. Heft | 2. Heft | |
| Inhalt des 1. Heftes | |
| <<<Vorherige Seite [109] |
Nächste Seite>>> [111] |
| |
| korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
gebruichen sullen[1] Item den hoff vur dem huyse gelegen ind den hoff zo Ouerwychterich mit alle synen Renten Rechten ind zogehoeren ind yre moder ytzont in lyfftzocht gebruicht, sullen Reynart ind Bernt gebroedere vurs. zo samen hauen it en were dan sache, dat der vurs. Reynart off syne eruen zo Erp wonafftich weren ind den hoff vur deme huyse selfls bouwen wulden, sullen asdan Reynart vurs. ader syne eruen deme vurs. Bernt ind synen eruen bynnen Erp in syne vry sicher behalt ind gewalt Jairlichs geuen ind betzalen de helffte van dem vurs. gude zo Erp gelegen gelyck ind so vill as de gudere vurs. in gewoentlicken vurjairen gerent hauen, Vort ist gedadongt, off sache were dat Reynart vurs. ader syne eruen eynen vngnedigen heren hetten dat doch nyet durch yn ader syne eruen mit worden ader wercken verschult zoqweme Also dat ym van dem huyse zo Nyenborch syne pantschafft affgenomen ind syne verschryuonge vur dach datum deser Erffdeilonge nyet gehalden ader dat ym in syne penningen gedragen wurde, wie dat gelegen ader zokomen moechte. sall der vurs. Bernt ind syne eruen dat mit helffen verantworden ind alsulchen schade gelych halff allet gesamender hant viss synen guederen ym in deser deilongen zo deile geuallen synt helffen dragen ind betzalen - - Dis zor konden der wairheit - haynt wir Reynart ind Bernt Gebroedere vurs. mallich vnser syn Siegell myt an desen brieff gehangen ind dairzo gebeden de vesten ind fromen Johan Staill van Holtsteyn ind Johan vamme Huysse vnse lieue Swager ind Neuen dat Sie des zo furder konden mallich yre Siegell mit an desen brieff gehangen haynt - In den Jairen vns heren Duysent vunffhondert ind dry vp gudestage neist na dem heiligen pynxstage
- ↑ Die Herren von Nechtersheim waren zu Erp begütert. Pawin von Nechtersheim erwarb im J. 1420 ein von der Dompropstey zu Cöln lehenrübriges Gut zu Erp, genannt Thoenis Gut. Demselben verkauften die Ehegatten Heinrich Kolff von Vettelhoven, und Oeda im J. 1426 Ihr Artland im Felde von Erp gelegen und vier Morgen Busch zu Friesheim. Und im J. 1433 kaufte Pawin einen Weingarten zu Erp, gelegen hinter Weingarten des Junkers Joban Herrn zur Schleyden und zu Nuwensteyne. - Pawin war wahrscheinlich der Urgrossvater der beiden Gebrüder von Velbrüggen.