Nachrichten über Adelige Familien und Güter - 1/114
| GenWiki - Digitale Bibliothek | |
|---|---|
| Nachrichten über Adelige Familien und Güter | |
| 1. Heft | 2. Heft | |
| Inhalt des 1. Heftes | |
| <<<Vorherige Seite [113] |
Nächste Seite>>> [115] |
| |
| korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
testamur, Quod ex vero, iusto, et legitimo debito tenemur et efficaciter obligate sumus Discreto viro Hermanno de Pauone Ciui Coloniensi, Cognato, et Manufideli seu Executori Testamenti venerabilis viri, bone memorie, domini Gerardi de Pauone Decani Ecclesie sancti Georgii Coloniensis, In Ducentis marcis denariorum pagamenti Coloniensis, nobis ad structuram nostri Conuentus, ab eodem quondam domino Decano, dum vixit, concessis gratanter, ac in ceteros eiusdem Conuentus usus necessarios expositis et conuersis, Quas quidem Ducentas marcas dicto Hermanno . . suis heredibus, aut presencium . . Conseruatori soluere promisimus bona fide, et promittimus per presentes, terminis infrascriptis, videlicet singulis annis a Data presencium inmediate subsequentibus viginti marcas dicti pagamenti in festo beati Martini Episcopi dandas quolibet anno, Quousque prefato Hermanno . . suis heredibus, aut presencium . . Conseruatori fuerit per nos et nostrum Conuentum de dictis Ducentis marcis successiue et integraliter satisfactum. Tali condicione et pena adiectis, Quod si aliquem terminum Solucionis dicte pecunie neglexerimus in parte vél in toto, quod absit, extunc omne dampnum et expensas quod et quas, dictus Hermannus . . sui heredes, aut presencium . . Conseruator, occasione neglecte Solucionis aut requisicionis dicte pecunie pro termino competentis, fecerit, aut ipsos pati contigerit, Sibi complete refundere tenebimur et debebimus, vnacum Sorte principali, ad simplex suum dictum, Contradiccione qualibet non obstante. In cuius rei testimonium Sigillum nostri Conuentus de scitu et consensu nostrarum omnium presentibus est appensum. Et ad maiorem certitudinem Rogauimus venerabilem virum dominum Georgium de Aerscheit Decanum ecclesie sancti Gereonis Coloniensis, Quia ad presens nostram et nostri Conuentus curam ex Juridice Commissionis Officio gerit in spiritualibus, ut Sigillum sui Decanatus duceret presentibus appendendum. Et Nos Georgius de Aerscheit Decanus ecclesie sancti Gereonis predicte, ad rogatum et instantes preces domine . . Priorisse et . . Conuentus Monasterii predicti, Sigillum nostri Decanatus presentibus apposuimus in maiorem firmitatem omnium premissorum. Datum Anno domini Millesimo Trecentesimo Sexagesimo primo, crastino festi Natiuitatis beate Marie Virginis gloriose