Schleswig-Holsteinische Kirchengeschichte/3/330

GenWiki - Digitale Bibliothek
Schleswig-Holsteinische Kirchengeschichte
Register  |  1. Band  |  2. Band  |  4. Band
3. Band  |  Inhalt des 3. Bandes
<<<Vorherige Seite [329]	Nächste Seite>>> [331]
unkorrigiert
Dieser Text wurde noch nicht korrekturgelesen und kann somit Fehler enthalten.

ermahnt, darup ock vnse vordracht mit gedachtes bischopes volwort, Juwen vnd anderer vnser Rede ripem rade, vpgericht, de wy, (se werde dann mit mererm vnd beterm Recht torügke gedreuen) vnverlettet by volmacht to handhaben gedencken, vnd het vns to jw nicht vorsehen, laten vns ock bedünken, ob gy hinder sick vnd torügk gedenken willet, gy scholdet dem kerkherren to Hußem sein vornehmen vns to vorcleinung, den vnsen to vnkost vnd mühe, vnd wedder Juwen eigen vns gegeuen Rade, nicht mehr scherffen vnd sterken, dann id an sick selvs is, in dem dat gy in Juwer Citation antehet, id sy eine olde lobliche gewonheit, dorch Juwen vorfaren bischoff Dietleff vnd vns vornichtiget, des wy doch in dem fall, wo wy vnser vnderthanen vorderff vnd vberflissige bekostigung vormercken, wol mechtig syn, ock dat de van Husem Ju to Sleswick gebeten, ehn meister Knutzen t einem kerkherren touorweruen vnd to Rademiß gelouet, de olde gewanheit wedder anthonemen, dat wy in sinem werth nu tor tidt moten bliuen laten, Wo auer dem allen, so is an Iw vnse gantze meininge, ansinnen vnd beger, gy willet den kerkherren to Milsteden Meister Knutzen dohin halden vnd vormögen, de vnsen van Husem, de sick in dem na vns als erem rechten naturlichen Herren, vnser gegeuen vnd ewers vorfaren beleuet vordracht regieren schollen, mit dusser besweringe vnd Citation gantz vnd all vnbemühet vnd vnangefochten bliuen to lathen, ein sulck nyerfunde, de vnsen mit bannen und motwilligem fürnemen itzund hir und dar to citiren nicht nageuen, vppe dat vns ok dorch ander mittel dartho tho gedencken nicht noth werde, wyllen Iw ock nicht berghen, dat wy den vnsen van Husem, beide Fruwen vnd Mannen, ernstlick geboden, vp de vorschriuing so se hirin hebben, anheim to bliuen, vnd den angesetzten termin nicht tho besöken, dat wy Iw des weten to hebben, vnd furder wedder se (id were dann sack dat Iuwe vorfarens beleuete vorschrininge touor vorleget, edder cassiert, vnd to recht erkannt werde, dat de vnsen in angetogen dryen puncten auer fryen wyllen to offern vorplicht syn) nicht to procedieren, darto wy vns gentzlich, mühe so vnkost gederen wolde touormyden, by Iw vorlathen, doch vns darby vnd den vnsen to holden, Iwe beschreuene vnd touorlatige antwort. Dat. Lütkentundern midwegkens na Egidii XVCXI.

Commissione principis per se.

An Bischop to Schleswigk.