Topographia Bavariae/137

GenWiki - Digitale Bibliothek
Topographia Bavariae
Inhalt
A B C D E F G H I J K L M N O P Q R S T U V W X Y Z
<<<Vorherige Seite [136]	Nächste Seite>>> [138]
Hilfe zur Nutzung von DjVu-Dateien
Texterfassung: korrigiert
Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.

Herrn HoffRaths Praesidenten zu Mönchen/ Herrn Johann Christoph/ Freyherren von Preysing/ rc. gehöret hat. 11.Leonsperg/ ein Landgericht in NiderBäyern/ zum Rentampt Straubing gehörig. 12.Marquartstein/ ein LandtGericht in Ober Bäyern/ auf Mönchen gehörig. 13. Mörmosen/ ein LandGericht auch in OberBäyern/ vnder der Regierung Burckhausen. 14. Möring/ ein LandGericht/ vnder der Regierung von Mönchen. 15. Preitenstein/ ein Edelmanns Gut/ im Landtgericht Sultzbach/ so der Zeit der Fürstin zu Sultzbach gehörig seyn solle. 16. RauchLeschenberg/ ein LandtGericht sampt der Herrschafft Hohen Schwangaw/ in OberBäyern gelegen/ vnnd auff Mönchen gehörig. 17. Rayhofen/ ein Landgericht in NiederBäyern/ vnder der Regierung Landtshut. 18. Rhoding/ oder Rotting/ an dem Regen/ vnd nahend Cham/ in der Obern Pfaltz gelegen/ so ein Marckt seyn solle. 19. Starnberg ein Landtgericht in OberBäyern/ vnnd Mönchischer Regierung. 20. Vttendorff/ ein LandtGericht auch in OberBäyern/ vnnd vnder Burckhausen gehörig. 21. Wildshut/ ein Landgericht/ auch vnter besagter Burckhausischen Regierung/ rc.

      Jn dem Pfaltz-Bäyrischen Krieg deß Jahrs 1504. seyn viel Orth von Bäyern/ vnd der Obern-Pfaltz/ hinweg kommen; wie davon auch Melchior Goldastus, de Bohemiae Regno, libro 4. capite 10. pagin. 508. zu lesen; der daselbst sagt/ daß disen Krieg/ oder die Pfältzische Vehde/ Johannes Latomus, Dechant zu Sanct Bartholome/ in Franckfurt/ in seinen JahrBüchern/ am allerfleissigsten beschrieben habe.

      Endlichen wirdt auch auß dem in Anno 1646. außgegangenem Summarischen Bericht/ wie es mit denen am Käyserlichen Hoff Anno 1641. vnd 42. angestellten gütlichen Tractaten/ vber die Pfältzische ChurWürde/ vnd Lande/ abgangen/ am 71. vnd 72. Blat/ hieher gesetzet/ was das Hochlöblichste ErtzHauß Oesterreich/ vnd etliche andere Fürsten/ Grafen vnd Herren/ wegen Jhrer dem Durchleuchtigsten Hause Bäyern/ in dem Pfältzischen Krieg/ Anno 1504. geleysten Kriegsdienste/ zur Recompens/ vnd Vergeltung/ bekommen vnds zwar

Das Höchstgedachte Ertz-Hauß

Oesterreich/r.c.

1. Das Schloß/ vnd Statt Rattenberg am Yhn/ vnd das Zillerthal dabey/ allda Gold vnd Eisen Bergwerck.
2. Schloß/ vnd Statt Kuefstain am Jnn/ sampt dem Schloß Thlerberg/ auch den Wäldern vnd Höltzern/ so viel der Graffschafft Tyrol zu den Bergwercken dienen mag.
3. Schloß/ vnd Herrschafft Newburg am Yhn/oberhalb Passaw.
4. Schloß Rumaridil an der Thonaw.
5. Die Graffschafft Kirchberg.
6. Statt vnd Herrschafft Weissenhorn.
7. Obenhausen/ vnd was von den Ferbern zu Vlm herkompt.
8. Maurstetten vnd Buech.
9. Pfaffenhoffen bey Vlm.
10. Schloß Schmihen am Lech.
11. Werther vnd Weissenburger Forst.
12. Die Werther-Aw zuu der Graffschafft Burgaw.
13. Die Gerechtigkeit/ so Hertzog Georg (in Bäyern) auff Ellerbach gehabt.
14. Die Vogtey/ vnnd Schirm/ vber die Stifft Saltzburg/ vnd Passaw.
15. Vogtey vber das Gottshauß Königsbrunn bey Giengen.
16. Alle Fürstliche Obrigkeit/ sampt der hohen Jagbarkeit in der Marggraffschafft Burgaw/ zwischen der Thonaw/ dem Lech/ vnd der Wertach.
17. Die Juden/ vnd Pfandschafft/ so Hertzog Georg in der Statt Regenspurg gehabt.
18. Die hohe Jagbarkeit zu Spitz in Oesterreich/ sampt aller Fürstl. Obrigkeit daselbst.
19. Herrschafft/ Schloß vnnd Statt Kitzbühel/ allda vornehme edle Silber- vnd andere Bergwerck.
20. Die Vogtey Mansee/ sampt dem Closter daselbst.
21. Schloß Wildeneck.
22. Für zehentausendt Gulden Rheinisch Werth/ Getraid vnnd Korn/ von