Urkundenbuch Oppen, Band 1/044
| GenWiki - Digitale Bibliothek | |
|---|---|
| Urkundenbuch Oppen, Band 1 | |
| Errata | |
| Vorrede | Register | |
| <<<Vorherige Seite [043] |
Nächste Seite>>> [045] |
 | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
Slos Rabenstein mit dem Stettin dofur ligende, dorczu zwen wüste feltmarcke genant Zcernstorff und Wul .. (unleserlich), Item die feltpusche uff den margken zcu sinen fuerwergke, dorczu ir Buweholcz noch notdorfft uß dem hain noch anwisung unsers Amptmans zcu Belticz haben sal, dorczu dorre holcz, das nicht fruchtbar ist noch zcuuerbuwen towge, und mastung zu sinen eygen Swynen in den hanyen zcu siner notdorfft, mit czinsen, gerechtikeyten und gerichten dorczu gehorigen, umb irer getruwen dinste willen, die sie uns zcu vilmaln gethan haben, und unsern erben und nochkomen hinfurder noch thun sullen und mogen, recht und redelich zcu Rechtem manlehen gereicht und verlihen haben, sovil uns doran von recht zcuuerlihen geburet. Reichen und lihen Cunen und Mattias von Oupen geuettern und iren Rechten libeslehenß erben das Slos Rabenstein mit dem Stettin dofur gelegen (mit) andern zcugehorungen und gerechtikeiten vorberurt von unßer furstlichen macht gnediglich mit und in krafft diß briues, das selbe Slos Rabenstein mit dem Stetlin und zcugehorungen vorberurt von uns, unsern erben und nochkomen zcu rechtem manlehen zcn haben, zcubesiczen, zcugebruchen also ire eigen gut vnd zcugenyssen, zcuuerdinen und den lehen rechte folge zcuthun, so offt und dicke (des) not syn wirdet. Doch behalden wir (uns), unsern erben und nochkomen offenung des vorgenanten Slos Rabenstein zcu allen unsern noten unde krigen, wenne und wie dicke wir des bedurffen, domit sie uns, unsern Erben und nochkomen gewertig syn sullen und wollen, und so wir die unsern die sie uff das Slos Rabenstein schicken wurden zcu unsern noten und krigen, sullen wir sie vor schaden und vor unfugen lassen verwaren. Cune und Mattias vorgnant von Oppen geuettern haben auch für uns für sich und ire erben williglich mit wolbedachtem mute verzicht gethan der guter vorberurt, die sie uns zcu widderstatunge uff gelassen und gegeben haben, daran keyne eigenschafft ader gerechtikeit zcu haben, also das ir gegen briue doruber gegeben clerlicher inneheldet und besaget, alle argeliste und geuerde hynd an gesaczt und uß gelassen. Zcu orkunde haben wir unser Insigel an dißen briue thun hengen, der gegeben ist zcu Wittemberg am fritag nach Assumptionis Marie im LIIIten Jare.
Gleichzeitige Abschrift im Copialbuch 44 f. Nr. 8 im Königl. Sächsischen Hauptstaatsarchiv zu Dresden.
77. 17. August 1433
Die Gevettern Kuno und Matthias v. Opuen reversiren sich gegen den Kurfürsten Friedrich Herzog zu Sachsen wegen des von ihnen ertauschten Schlosses Rabenstein nebst dem Städtchen und allem sonstigen Zubehör, womit sie bereits belehnt seien und wofür sie ihm einen Sattelhof auf dem Sandberge (vor Belzig), 3 „Bergenhufen", 2 ½ Hufen und eine Breite Acker zu Gotensdorf und eine solche von ½ Hufe hinter dem Weinberge, alles vor Belzig gelegen, gegeben haben, dergestalt, daß sie ihren Rechten an diesen Gütern entsagen