Beiträge und Material zur Geschichte der Aachener Patrizier-Familien, 1. Band/008
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [007] |
Nächste Seite>>> [009] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
V.
1429, (Oct. Nov.)
1. Herumb hait unse heren ind die stat kenlige noit darzo gedrongon, dat si etzlige onse genedige heren angeroiffen ind gebeden haint, in bistant zo doin umb die stat ind burgere bi iren privilegien, vriheiden ind alden herkomen zo halden ind zo bliven laissen, dat andere unse genedige heren vur oevel upnemen, dat man si darzo niet angeroiffen noch zo hulpen genomen en hait, dae doch etzlige der stede burgere vurmails in deser zweidracht bi etzligen unsen genedigen heren geweist sin ind sachten in, wie unse heren ind burgere onder einander in zweiongen stunden, dat ire genaden da inne zen besten helpen wolden &c., dae sich dieselve onse genedige heren weinich an keirden &c. Ind daromb bidden unse heren der rait dat unse alregenedigste here der kunig die stat versorgen ind verhueden wille, dat unse genedigen heren daromb egeine ungenade an die stat en keren, noch werven en laisse einghe Sachen up die stat, damede si vorder van in of van einchen anderen fursten of heren belestiget moge werden ind dat he unsen genedigen heren den kurfursten ind vort anderen onsen genedigen heren wille doin schriven want sulche geschichte ind wiederstant van noit wegen der stat sich ergangen haven ind dat unse heren ind gemeine burgere damede zo vreden komen ind eindrechtich onder einander sin, dat si da inne ungeirret bliven ind si in egeinen arghe en bedenken, dat si sulche nuwe ordinantien ind gesetze wiederstanden haven, als dae intgeen aide herkomen ind gewonheit upgehaven ind annomen sin, want onsers heren des kunings genaden der stat geschreven ind bevolen haint gehat nae uswisungen sinre genaden briefs &c.
2. Item desselven gelichs zo schriven ind zo bevelen unsen genedigen heren van Luitge ind van Brabant ind iren Steden Luitge ind Triecht ind ouch anderen richssteden darumb gelegen die vurvluchtigen, die sulge nuwe ordnunge ind gesetze in sinre kunigliger stat angenomen ind gehandelt haint intgain derselver stat privilegien ind vriheiden &c., onder sich niet zu unthalden noch sinre kuniglicher stat bi den egeinen kroidt noch onwillen zo geschien laissen, ind we die darover also verhielde, dat man dieselven gelich den vurvluchtigen achten ind halden soile overall waer die vurvluchtigen ind ire uphelder ervolgt soilen werden, ind wie man dat hertliger ind stranger ind bester formen geschriven kan, wie der stat des best noit is.