Beiträge und Material zur Geschichte der Aachener Patrizier-Familien, 1. Band/009
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [008] |
Nächste Seite>>> [010] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
- Die stede Coelne, Triere, Mentze, Frankefurdt, Straisburch, Spire, Würmtze, Nuisse, Remünde, Düren, Arnhein, Nuimegen, Zütphen, Loeven, Bruessel, Antwerpen, Bosch, Luitghe, Tricht, Sent Truden, Hasselt, Tongeren, Diest.
3. Item dat unse genedige here der kunig der stat ind deme raide einen offenen brieff mit sinen hangenden segel wille verleinnen, wes si also mit hulpen der heren &c. gedaen ind onderstanden haven umb sinen kunigligen stoil iml stat van Aiche bi sinen vriheiden ind alden herkomen zo halden ind sine burgere daselfs der zo gebruichen laissen, dat sine genaden dat niet zo onwillen si geweist, ind of hernamoils die gemeine burgere zo Aiche saighe nuwicheit ind unbehoirlige sachen vorder annemen ind sinen kuniglichen stoil ind stat van Aiche an iren privilegien ind vriheiden zo wiederstaen ind einche unbehoirlicheit dair intgeen ind intgeen den gemeinen rait ind intgain desselven raitz ordnunge ind gesetze vortkeirden, dat dan der rait van Aiche van sinen kuniglichen genaden moege ind macht have, dat zo wiederstaen ind sulche anhever ind medevolger anzogriffen ind darover zo richten doin &c, ind dat sine genaden allen fursten ind heren, ritteren ind kneichten ind steden schrive ind bevele, der stat ind deme raide darzo zu helpen ind gestendich zo sin, gelich as si nu gedaen haven, of so wie des dan vorder noit gebueren sal ind dat sine genaden ouch sunderlingen unsen genedigen heren van Guilge, van Heinsberg ind van Virnenburg schriven doin ind flisslich danken, dat si sinen kuniglichen stoil ind stat van Aiche also truwelichen bistant gedaen haven ind offd noit geburde ouch vort bistendich sin willen, warbi alle unredelige ind der geliche Sachen ind nuwicheit aldae uperstanden waren verhuedt ind vermidt werden, ind in wat landen ind steden die anhever ind medevolger weren, die dat deden of nu gedaen haven, dat die nirgen velich[1] noch vri verhalten noch verantwerdt en werden ind we den gestendich were mit hulpen of raide &c. dat die in swair ungenade onsers genedigen heren des kunigs ind des heilgen richs ervallen soile sin &c.
4. Item zo gedenken also nu unse here der kunig vur Heinrich Schompart an Frambach van Birgel geschreven ind eme bevoilen hait desselven Heinrichs sachen, die he mit der stat of burgeren meint ghaendtz zo haven, uszudriven ind zo vervolgen &c., dat unse genedige here der kunig sulge brieve niet me up die stat en verleine noch ouch lichtlich geleuven en wille of sinen genaden dergelichen of andere sachen anbracht wurden, sine genaden
- ↑ Undeutlich, ob velich oder belich.