Beiträge und Material zur Geschichte der Aachener Patrizier-Familien, 1. Band/020
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [019] |
Nächste Seite>>> [021] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
IX.
1430, Juni 17.
In nomine domini, Amen. Anno a nativitate eiusdem millesimo quadringentesimo tricesimo, indictione octava, mensis | Junii die decima septima, infra septimam et octavam horas ante meridiem, pontificatus sanctissimi in Christo patris | et domini nostri domini Martini divina providentia pape quinti anno tredecimo, in mei notarii publici et testium subscriptorum | vocatorum ad hoc specialiter et rogatorum presentia personali constitutis honestis et discretis viris Godefrido van den Eychorn armigero ex una, et Jacobo de Loen, civibus regalis urbis Aquensis, partibus ex altera, iamdictus Godefridus prefatum Jacobum verbis subsequentibus aut ipsis similibus alloquebatur atque dixit, quod tempore novi regiminis in urbe Aquensi ob diversas causas meritorias inchoati multe excubie super dictum Godefridum et eius socrum Godefridum Proefft nuncupatum ac apud eorum domos, quas inhabitabant, contigissent facteque fuissent, sed qua de causa huiusmodi excubie in ipsum Godefridum et eius socrum predictum ut prefertur fuerunt ordinate penitus ignoraret et ignorat, speraretque prefatas excubias propter aliquas culpas, quas fecisse debuissent non fuisse ordinatas. quoniam aliud non ....[1], quam quod libenter omnibus diebus vite eorum bonum gerere vidissent civitatis antedicte, neque etiam culpabiles in aliquo possent reperiri, quare minus iuste et inique domini civitatis Aquensis excubias fieri ordinarunt. Etiam quod dictus Godefridus dici audivisset prefatum Jacobum apud nonnullos dominos Aquensis fuisse civitatis et quod ipsi multa ab ipso Jacobo ex parte dicti Godefridi de Eychorn et eius socri quesivissent, sed que et qualia ignoraret. Prefatis verbis taliter ut prefertur per ipsum Godefridum de Eichorn expositis et narratis, idem Godefridus dei et iusticie causa prefatum Jacobum rogavit, quod si aliquid de premissis sciret propalare, quod hoc suo mediante iuramento coram me notario et testibus faceret et diceret infrascriptis atque etiam veritatem diceret in et de quibus a me notario ipsum contingeret interrogari. Prefato Jacobo quod hoc libenter faceret respondente, dictus Godefridus de Eychorn me notarium subscriptum requisivit et rogavit, ut prelibatum Jacobum examinarem et audirem, nil de suo testimonio addendo vel diminuendo, atque sibi Godefrido iamdicto desuper conficerem unum publicum instrumentum.
- ↑ Es fehlt ein Wort in der Abschrift.