Beiträge zur Genealogie der adligen Geschlechter 1 (Strange)/076
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| Heft 1 | 2 3 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [075] |
Nächste Seite>>> [077] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
hait erfflichen waile zo bewysen ind ouermitz dese Hylichs vurwerde bewyst aen ind op alsulche erffliche guede so wie die in nassen ind in drughen geleghen synt bynnen der dinckbanck van Voels ind op alsulche erffliche guede as he lighen hait ind eme zobehoeren bynnen der dinckbanck van Charnoy ind van eynen yegelichen den vurs. gueden neit vysgescheiden Ind wat ain desen vurg. gueden gebreiche gueder bewysinghen deser vurs. dry hondert Mudde speltzen die sal Frambaich vurs. waele vort bewysen ain den besten neisten sichersten goeden derre heirlicheit van Chane Also dat sy waile bewyst syn na lands gewoenden ind Hylichs vurwerden recht Ind vur die vurs. dry hondert mudde speltzen Hylichs goetz So gyft der vurg. Frambach synen soene Engelbrecht ind Aleiden eluden vurs. die Borchge zo Chane zo eynre woenynghen ind vort alle die guede ind Renten bynnen der heirlicheit van Chane gelegen ind neit dar van vysgescheiden Vortme so haet Frambaich vurs. geloeft in Rechter Hilichs vurwerden so wanne he van lyue zer doit komen is dat der vurg. Engelbrecht Nyte ind Aleit elude vurs. as dan oech hauen ind behalden suelen erfflichen alsulche slosse ind burghe als he assdan achter laessen sal mit namen Toenborch[1] ind Esthwilre ind eyn ywer mit alle synen Renten ind zobehoeren Vort so ghyft Heynrich here zo Gronsfelt ind zo Rentberch vurs. Engelbrecht Nyte vurs. mit Aleiden synre dochter vurs. in Rechter Hylichs vurwerden ind zo Hylichs ghauen den hoff zer Motten gelegen by Chane so wie de gelegen is mit synen zobehoeren Ind darzo alle Joere ind erfflichen tzwa hondert Mudde speltzen goetz pachtz ind maessen van Luytge die he geloeft hait erfflichen waile zo bewysen bynnen der heirlicheit van Harstal aen den alreneisten Renten by Chane gelegen Also dat sy waile bewyst syn na lands gewoenden ind Hylichs vurwerden recht Wilche vurs. tzwa hondert mudde speltzen der vurg. Heynrich aeff loesen ind quyten sal moghen mit tzwen dusent Rynsche gulden die de vurs. Engelbrecht beleghen sal bynnen den eirsten Joere
- ↑ Friedrich Herr zu Thomberg und Landscron hatte einen Theil seiner Herrschaft Thomberg dem Roprecht Grafen zu Virnenburg verpfändet. Diese Pfandschaft kam im J. 1422 an Frambach von Birgel, dann an seinen Sohn Engelbrecht Nyt, und wurde 1441 vom Ritter Lutter Quad wieder eingelöst.