Beiträge zur Genealogie der adligen Geschlechter 1 (Strange)/077

ind dage na der loesingen vurs. aen guet erffenis bynnen den lande van Brabant op dese syde der Masen off bynnen den lande van Guylge mit Raede der vrunde van beiden syden Also dat sy waile belacht syn ain arglist Vort so hait de vurg. Heynrich here zo Gronsfelt geloeft in Rechter Hylichs vurwerden dat alsulche erffliche guede as he ind syne elige huysvrauwe Aleit van Opey lyghen hauen ouer der Masen off op dese syden der Masen die van derre vurs. Aleiden van Opey weghen komen syn off hervallen suelen So wie der vurs. Heynrich ind Aleit van Opey elude die na ere beider dode achter laessen Blyuen ind komen suelen aen den vurs. Engelbrecht Nyte ind Aleyt elude vurs. Oech so ist gevurwert dat Alsulche erue ind guede as Heynrich van Gronsfelt vurs. na dode hern Johans Schelartz van Obbendorp aen vallen ind hersteruen suelen dat die nae synen ind na synre eliger huysvrauwen dode as dan komen ind vallen suelen aen Engelbrecht ind Aleit elude vurs. Ind beheltenis oech deme vurs. Heynrich here zo Gronsfelt in synen gantzen eligen stoele sitzende synen wille mit den vurs. gueden zo doene sonder yemans wedersaghen Des seluen gelichenis maich der vurs. Frambaich oech synen wille mit den vurs. tzwen sloessen Tonborch ind Esthwilre doene mit eren zobehoere sunder arglist Vort so ist gevurwert dat alsulche manlene hondert Rynsche gulden as der vurs. Heynrich here zo Gronsfelt Joirlichs geldende hait aen den hogeboren heren Johan van Loene here zo Guylge ind zo Heynsberch &c. dat dat vurs. leene na dode Heynrichs vurs. vallen ind comen sal erfflichen aen den vurs. Engelbrecht ind Aleide elude vurs. Vort so ist gevurwert dat Heynrich vurs. Aleide syne dochter vurs. by eme in synre Cost halden sal dese neiste dry Joir lanck as verre eme dat genoecht Ind dar omme so en sal der vurs. Heynrich deme vurg. Engelbrecht die tzwa hondert mudde speltzen vurs. die zyt lanck vurg. neit gheuen id en were saiche dat Heynrich vurs. Aleiden syne dochter deme vurs. Engelbrecht ouergheue bynnen den dry Joiren vurs. So sal Engelbrecht vurs. as dan vort die tzwa hondert Mudde speltzen Joirlichs heffen ind boeren Vortme wert saiche dat der vurs. Engelbrecht Nyte van lyue zer doit queme ee Aleit syne huysvrauwe vurs. sonder eliche geboirt van ere beider lyue geschaften achter zo laissen sonder dat eme eynniche andere guede aen gevallen