Beiträge zur Genealogie der adligen Geschlechter 1 (Strange)/078

weren so sal die vurs. Aleit die vurg. dry hondert Mudde speltzen die Engelbrecht vurs. ain sy in Hylichs vurwerden brengt ind die bewyst synt zo Voils ind zo Charnoy Ind of da ain gueder bewysinghen gebreiche bewyst vort synt ain den neisten erue zo Chane gelich dat vur becleirt steit ere dage lanck behalden ind besitzen die na eren dode weder comen ind vallen soelen zer syden da sy aff komen syn Ind so en sal sy ain deme slos ind heirlicheit van Chane neit hauen noch behalden Ind des seluen gelichenis Wert saiche dat Aleit vurs. ee van lyue zer doit queme dan Engelbrecht vurs. ind sonder eliche geboirt achter zo laissen ind ere egheyne andere erffliche guede aen gevallen en weren So sal der vurs. Engelbrecht den vurs. hoff ter Motten mit den tzwen hondert Mudde speltzen vurs. die ere in deser Hylichs vurwerden gegheuen syn gelich vurs. is syne dage lanck hauen ind behalden die na synen dode weder omme vallen suelen ind komen zer syden da sy aff komen synt Vort wert saiche dat Engelbrecht ind Aleit elude vurs. alsulchen guede ind erff aen gevallen ind herstorffen weren van eren vaderen ind moderen as vur becleirt steit Ind ere eynniche aeffliuich woirde sunder witzliche geboirt van ere beider lyue geschaffen So sal der langste lieuende van yn beiden aen des anderen gueden gentzlichen blyuen sitzen ind die behalden syne dage as eyn zuchter off eyn zuchterssen Die wilche guede na ere beider doede weder comen ind vallen suelen aen die neiste eruen zer syden da sy aff comen synt Oech so ist gevurwert oft saiche were dat die vurg. elude Engelbrecht ind Aleit witzliche geboirt vurs. tsamen kreghen ind yn aen herstoruen ind gevallen weren alsulche erfliche guede van ere beider vader ind moder as vurg. is Ind Engelbrecht vurs. dar na van lyue zer doit queme So sal die vurs. Aleit vys des vurs. Engelbrechtz gueden hauen ind behalden ere leuen lanck vier hondert mudde speltzen maessen ind pachtz vurs. mit eynre woenynghen as ere waele bezempt Ind des seluen gelichenis sal sy oech hauen vysser eren gueden die ere ain gevallen weren ind in deser Hilichs vurwerden gegheuen synt as vurs. is vier hondert Mudde speltzen Ind die vurg. echt hondert mudde speltzen sal sy behalden vur eren wedom Vort so ist in Rechter Hylichs vurwerden gevurwert off die vurs. elude beide tsamen van lyue zer doit quemen ind eliche geboirt