Beiträge zur Genealogie der adligen Geschlechter 4 (Strange)/064

dat dye selue heren Dechen ind Capittell da van geynen last noch schaiden en krygen Weirt ouch saiche dat hernamails zo eynchen zyden eynche brieue ind siegele vurkomen wurden dye guedere zo puffendorp ader zo Ederen vurs. beruerende Cleyne off groisse dye sullen den vurg. heren Dechen ind Capittell zo staden stain ind nyemantz anders Ind offt yemantz eynche brieue ind siegele hette vp dye vurs. gliedere in deill off zo maill sprechende an diess moitsoenen hynderlich wesende ind dye selue brieue bynnen Jaire ind dage na Datum dis vurs. erffkouffbriefts nyet richtlich vur en quemen dye sullen dair achter doit maichtloiss ind van vnwerde syn ind blyuen zo den ewigen daigen So bekennen ich Dries van Harue vurs. vur mich myne eruen ind nacoemelinghen vrkunde dis brieffs dat myr diese vurs. scheidonghen moitsoenen ind vereynonghe waill genoicht hait ind genoicht Ind geloeuen dye ouch vur mych myne eruen vaste stede ind vnuerbruichlich zo halden dair widder nyet zo doyn noch schaffen gedain werde selffs ader yemantz anders van mynen ader mynre eruen weghen sonder argelist Beheltlich myr ind mynen eruen hie inn sulchs widderkouffs in der vurs. scheidonghen begriffen nae luyde dess wederkouffbrieffs ich van den wirdigen heren Dechen ind Capittell hain dair vanne sprechent Ind her vmb so byn ich Dries van Harue vurs. in mynre eygenre personen komen ind erschienen zo puffendorp ind zo Ederen vur Rychter ind Scheffen der zweyer Dynckstoell puffendorp ind Ederen vurs. dae dye vurs. guedere so verre die Scheffenguedere synt in ind vyss zo gaen gebuerent Ind vort vur Stathelder der Edelre ind wailgeboren frauwen Jutten Abdyssen sent Quirine zo Nuysse dae dye Huysinge mit dryssich morghen lantz tzo puffendorp as leenguedere gebueren vyss zo gaen ind zo vntfangen Ind hain mych ind myne eruen der vurs. Huyss ind Hoiffs myt allen getzymmer ind gebuwes zo Puffendorp myt Bongarden Garden weyden Weyeren Ackerlande Driesche Houltzgewelden tzienden Capuynen Hoynre ind pennynckgelde mit naemen zo Puffendorp eyn Huyss mit synre Houeryen myt Bongarden ind Hoeffen daranne gelegen haltend vmbtrint viertzyn morgen gelt Jairs der vurs. Abdyssen sente Quiryn tzyen Schillinge Guylghs ind zwey Hoynre Vunfftzien morgen lantz gelegen vp dye aicherstraisse zer eynre neyst erue Wilhems van Kottinghen zer