Beiträge zur Genealogie der adligen Geschlechter 4 (Strange)/076
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 | Heft 4 | 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [075] |
Nächste Seite>>> [077] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
van Sent Cecilien ind Herman Scherffgins Ind dan noch eyn Hofstat bynnen Polheym hynder hoeue deser Edelre vrauwen vurg. die eytzoint heynman hait Dem Eirberen Jonckher Coinrait Joeden Jonffraw Fyegin synre eligen huysfrawen yren eruen off helder diss brieffs myt eren Willen vur eyne bescheydene Summ geltz der vnss zo beyden syden waill genoicht hait die sy vnss ouch goitlich dar vur gezalt ind wale zo unsem gnoigen geleuert ind bezailt haint — — — beheltnysse an alle deyssme erue vurg. dem hoeff unsen gnedigen heren vamme lande yrs rechten ind eydermanne des synen Anno domini Millesimo Quadringentesimo Quadragesimo tercio In festo purificacionis gloriose marie virginis
4. Heinrich von Geyen verkauft dem Conrad Joede eine Erbrente von sechstehalb Malter Roggen im J. 1444.
Wir Heynrich van Geyen ind Jutte syn elige Huysfrauwe Doin kunt ind kennen in disme offenen brieue vur vnss ind vnse Erue dat wir mit guedme vurdachtme moede ind Raede vnser frund ind myrre schaden zo verhueden vercucht ind verlaissen hain erfflich ind ewelich den Eirbaren luden Conrait Joeden knapen van Wapen ind Fygen synre eliger huysfrauwen ind yren Eruen Seestehalff malder Roggen erfflicher gulden maissen as zo Geyen genge ind geue is as vmb eyne bescheiden summe geltz der wir vnder vns eyns syn worden die vns ouch die vurs. elude gegeuen ind wail betzailt haint da van wir ouch die vurs. Elude ind yre Eruen sagen lossledich ind quyt oeuermitz diesen brieff Wilche vurs. Seestehalff malder Roggen wir Heynrich ind Jutte Elude vurs. off onse Eruen nu vortan alle Jare zo sent Remeismissen aiff bynnen den neisten viertzien dagen darna volgende vntbeuangen erfflich ind ewelich geuen ind lieueren soilen den vurs. Eluden Conrait ind Fygen aiff yren Eruen in yr huyss zo Geyen off anders bynnen Geyen — Ind dis zo merre Sicherheit So hain wir Heynrich van Geyen ind Jutte Elude vurs. vur vns ind vnse Eruen den vurs. Eluden Conrait ind Fygin ind yren Eruen dar vur verbunden ind zo eyme wyslichen vnderpande gesat ind setzen oeuermitz diesen brieff tzeindenhaluen morgen