Beiträge zur Genealogie der adligen Geschlechter 4 (Strange)/078

6. Constantin von Lyskirchen verkauft einen Schuldbrief, worin der Herzog von Jülich seinem Vater das verschrieben hat was er an Schatz und Dienst von dem St. Mauren-Hof zu Geyen jährlichs zu fordern hat, im J. 1412.

      Ich Costyn van Lysenkirchen Greue zo Airsburch in Coelne, Doin kunt allen luden. Also as vur Jairen der hogeboiren seliger gedacht Hertzouge Wilhem van Guylge ind vrauwe Maria van Gelre hertzougynne zo Guylge syne elige beddegenoisse, den beiden got genedich sy, myme seligen vader schuldich wairen Eichtzienhundert marcke Coeltz paymentz, vur wilche schoult Sy myme vader versatten ind vpgayuen alsulchen dienst, schetzinge, beede, banwyn, voyre ind alle ander besweernis die der hoff zo Geyen in dem lande van Guylge geleigen zogehoerende den Cloister Junfferen zo sent Mavyren bynnen Coelne, der heerschaff van Guylge schuldich was zo doin, na vsswisongen ind formen der brieue, die ich van yren gnaden darup sprechende ind besegelt hain. Herumb mit gudem vurraide ind gutduncken mynre vrunde ind maige, vmb mynen meerren schaden zo verhoeden, so hain ich die vurs. Eichtzienhundert marck schoult, mit den brieuen darup sprechende ind mit alle myme reichten da an, Reichtz ind bescheidens koufs verkouft, ind verkouffen oeuermitz desen brieff