Schleswig-Holsteinische Kirchengeschichte/3/328

GenWiki - Digitale Bibliothek
Schleswig-Holsteinische Kirchengeschichte
Register  |  1. Band  |  2. Band  |  4. Band
3. Band  |  Inhalt des 3. Bandes
<<<Vorherige Seite [327]	Nächste Seite>>> [329]
unkorrigiert
Dieser Text wurde noch nicht korrekturgelesen und kann somit Fehler enthalten.

vnd Vogedye zur Steynburg durch ewer Official vnd Stadthalder der thumkirchen zu Hamburg in sachen die gantz vnd allenthalben wertlich, vnd vor vnser Amptleuthe vnd gerichtshalder zurichten vnd entscheyden gebören, vnersucht vor vns vnsern Rethen oder ihn, mit der vnsern großem nachteyl, vnkost vnd schaden, mit geystlichen gerichten vorfolget werden, Vnd wywol wyr hirinne denselben officialen vnd vorwesern sulchs furder abzustellen geschrieben, auch durch vnsern Amptman zur Steinburg müntlich haben reden vnnd handeln lassen, in gantzer zuuorsicht, es solt den vnsern zu gedheye vnd hülff komen seyn, Szo finden wir doch teglich, das dorinne keyn auffhören, ßunder dermaßen nach wie zuvor für vnd für vorfaren vnd gehandelt werde, das vns, vnsern Amptleuten und gerichtsheldern zu vorcleynung, auch den vnsrigen zu merglichen schaden, nachteyl vnd vnkost, dermaßen lenger gescheen zubedulden in keynen wegk fügen ncoh leydlich sein wil, Begeren derhalben ernsts vleys, Ir wollet mit ewerm Officialen vnd statholder der geystlichen gerichte vnd probsteye zu Hamburg stracks vorschaffen vnd bestellen, das sie vnser vnderthanen alleyn in geystlichen sachen vnd desselben gerichte belangende fordern vnd darinne wider syn recht nicht vorfaren wolden, dartzu Wyr nach vormugen gotlichs rechts nicht hynderlich sonder furderlich vnd beholffen seyn wollen, sich also alle andern wertlichen sachen, die vor vns vnser Amptleute vnd gerichtshelder gehören mochten, gantz vnd allenthalben zu eussern vnd enthalden, Auff das wyr anders dorin zusehen nicht geursachtt, doran thut vnser ernste vnd gantz meynung mit gnaden zuerkennen, Vnd was ir des zuthun gesindt, begern Wir bey gegenwertigen ewer rechte vnd zuourlessige antwortt, vns dornach zu richten. Geben Gottorp Freytags in den paschken. Anno XVC nono.

An Thumprobst zu Hamburg

Hern Joachim Glyttzen.

b.

Wir Friderich pp. Vnser besondere gunst zuuor, werdiger achtpar lieber andechtiger vnd getrewer, nachdem ir etwo den kerspilleuthen zw Sant Margarethen einen newen kor zw der ere gotes vnd lobe Sant Margarethen mit volworte des lehenbesitzers doselbst zu bawen vergunnet, den sie auch, als wir bericht, zürlich