Beiträge zur Genealogie der adligen Geschlechter 4 (Strange)/071

zo behoeue ind zo nutze yrre ind yrre Eruen zo yren besten gebruiychen ind genyessen ind daemit doene ind vurkiren moigen gelych ind in alre manieren als wir van vnser kirchen ind Capittels wegen hetten soilen moigen doine ind vurnemen Beheltlich vns ind vnser kirchen der vunff ind Sieuentzich Rynscher gulden erff Renthen nae Innhalde vnser verschryuongen dae van sprechende voirtan restlich ind vredelich zo gebruychen ind genyessen moigen Ouch so geloeuen wir Vicedechen ind Capittell vurs. in gueden vasten truwen vur vns ind vnse Naekoemlingen den vurg. Heynrich ind Maria alle billiche anspraiche aiffzostellen ind guede gebuerliche erffschafft ind weirtschafft der vurs. guedere zo doin ind zo halden gelych as sich dat dan nae Lantreicht des lantz van Guylge billich gebueren sall Ind sy ouch vp allen enden sich dat voirder gebueren mach zo eruen ind zo gueden Ind widder den vurs. erffkouff nyet zo doin noch schaffen gedain zo werden in eynicher manieren Dan den seluen vast stede ind vnuerbruychlichen zo halden ewelichen ind vmbermere Dair an vns ouch noch vnsen Naekoemlinghen geyn vmneemen noch behulff geystlichs noch werentlichs reichten her intgain dienen noch zo staiden sall moigen koemen noch syn Dan haint wir des alles her inn gentzlichen ind zo maile vertzegen Sonder alle Indracht geueirde ind argelist Ind ich Coenrait van Ruyssenbergh kennen oeuermidtz diesen seluen offenen brieue Also myn lieue vader seligen Heynrich van Ruyssenbergh dem got benaide eyne siechere summe geltz vp die vurs. guedere zu Puffendorp van Dryes van Harue seligen verschrieuen versiegelt ind verbriefft hadte Ind die wirdige heren Dechen ind Capittell an ind in die guedere vurg. durch eyn andere verschryuonge sy dair vp hatten ind oeuermidtz eyn siechere moitsoyn hiebeuoire geguedt ind geeirfft synt wurden In wilcher moitsoynen Johan ind Heynrich mynen lieuen broideren ind mir vunffhundert Rynscher gulden der obgen. verschryuongen haluen vnse vader seligen vurs. hatte vnder anderen zu gesacht synt etc. Ind ich zo der tzyt vnmundich was ind nu zu mynen mundigen daigen koemen byn So bekennen Ich Coenrait vur mich myne eruen ind Naekoemlingen dat mir der vurgeruerter moitsoynen wail genueght hait ind genueght ind dat mir van den vurs. vunffhundert Rynscher gulden so vyll mir die berueren